21 iyul 2013 00:28
Ruslan Abışov oynadı, Rubin Zenit üzərində qələbə qazandı
Rusiya Premyer Liqasında çıxış edən klubların ikinci komandaları arasında təşkil olunan ölkə çempionatında növbəti oyunlar keçirilib. Azerisport.az xəbər verir ki, “Rubin”in əvəzedici komandası “Zenit”lə üz-üzə gəlib.
Doğma divarlar arasında keçirilən görüşdə “Rubin” 2:0 hesablı qələbəyə sevinib. Bu oyunda “Rubin”in əsas heyətinə düşməkdə çətinlik çəkən Azərbaycan millisinin müdafiəçisi Ruslan Abışov da iştirak edib. O, ikinci hissədə meydana çıxıb. İlk yarıda hesabı açan Tatarıstan təmsilçisi ikinci qolu məhz Ruslanın meydanda olduğu dəqiqələrdə rəqib qapısından keçirib.
Qeyd edək ki, Ruslanın bu gün Premyer Liqa çərçivəsində baş tutacaq “Zenit”lə oyunun da iştirakçısı olmaq şansı var.
