22 iyul 2013 00:42
Rövnəq Abdullayev: Berti Foqtsun alternativləri haqda müqavilə başa çatdıqdan sonra danışarıq
Lənkəranda keçirilmiş “Xəzər Lənkəran”la Türkiyənin “Fenerbahçe” klubu arasında keçirilmiş yoldaşlıq matçından (0:4) sonra AFFA prezidenti Rövnəq Abdullayev jurnalistlərin suallarını cavablandırıb.
- Oyunla bağlı nə deyərdiniz?
- Belə oyunlar Azərbaycan futbolu üçün çox faydalıdı. Fikrimcə, bu gün səviyyə fərqi öz sözünü dedi. Ümid edək ki, bizim futbolçular da nə vaxtsa onların səviyyəsinə çatacaqlar.
- Belə oyunlar Azərbaycan futbolu üçün çox faydalıdı. Fikrimcə, bu gün səviyyə fərqi öz sözünü dedi. Ümid edək ki, bizim futbolçular da nə vaxtsa onların səviyyəsinə çatacaqlar.
- Stadiondakı atmosfer xoşunuza gəldi?
- Əlbəttə. Hər şey çox yüksək səviyyədə idi.
- Əlbəttə. Hər şey çox yüksək səviyyədə idi.
- Sizcə, qarşıda Avropa Liqasının ikinci təsnifat mərhələsi çərçivəsində “Maccabi” (Hayfa, İsrail) ilə oyunu olan komandaya belə bir görüş lazım idimi?
- “Xəzər Lənkəran”ı “Maccabi” ilə həqiqətən də vacib oyun gözləyir. Amma futbolçulara təcrübə qazanmaq da lazımdı. Belə oyunlar komandaya kömək etməlidi. İsraillilərlə oyun öncəsi bundan gözəl məşq ola bilməzdi.
- “Xəzər Lənkəran”ı “Maccabi” ilə həqiqətən də vacib oyun gözləyir. Amma futbolçulara təcrübə qazanmaq da lazımdı. Belə oyunlar komandaya kömək etməlidi. İsraillilərlə oyun öncəsi bundan gözəl məşq ola bilməzdi.
- “Xəzər Lənkəran”ın “Maccabi” ilə cavab oyunundakı şanslarını necə qiymətləndirirsiz?
- İlk oyundakı məğlubiyyət (0:2) “Xəzər Lənkəran”ın işini çətinləşdirir. Amma fikrimcə, komandanın hələ üçüncü təsnifat mərhələsinə çıxmaq şansı qalır və məğlubiyyətin əvəzini çıxmaq olar.
- İlk oyundakı məğlubiyyət (0:2) “Xəzər Lənkəran”ın işini çətinləşdirir. Amma fikrimcə, komandanın hələ üçüncü təsnifat mərhələsinə çıxmaq şansı qalır və məğlubiyyətin əvəzini çıxmaq olar.
- AFFA-nın baş katibi Elxan Məmmədov bəyan edib ki, tezliklə yığmanın baş məşqçisi Berti Foqtsa əvəzləyici axtarmağa başlayacaqsız...
- Foqtsla hələ müqaviləmiz var. Bu barədə müqavilə başa çatandan sonra danışarıq.
