22 iyul 2013 12:09
Simurq Avstriya və İsrail klublarının üzvlərini baxışa çağırdı (FOTO)
Yeni mövsümə hazırlığın üçüncü mərhələsini Avstriyada keçirən "Simurq" məşqlərlə yanaşı transfer çalışmalarını da davam etdirməkdədi. Azerisport.az xəbər verir ki, ötən gün komandanın düşərgəsinə baxış üçün dəvət edilmiş daha iki futbolçu qoşulub.
Bunlar yarımmüdafiəçi Patrik Osiako və müdafiəçi Dario Dakoviçdi.
Qeyd edək ki, 1986-cı ildə anadan olan keniyalı Patrik ölkəsinin yığma komandasında da forma geyinir. 2006-cı ildən dəvət aldığı millidə 7 oyun keçirmiş yarımmüdafiəçinin son klubu İsrailin Ber-şeva şəhərinin təmsilçisi olan "Hapoel" klubu olub. Osiako 2003-2004 mövsümündə “Coast Stars” (14 oyun), 2005-2006 mövsümündə “Tusker” (15 oyun, 3 qol), 2007-2011-ci illər aralığında “Mjällby” (125 oyun, 6 qol), 2012-ci ildə “Petrolul” (11 oyun, 1 qol) kimi klublarda çıxış edib. 2012-2013 mövsümündə çıxış etdiyi “Hapoel”də isə o, 28 görüş keçirib.
26 yaşlı Dakoviç isə Avstriyanın "Wacker Innsbruck" komandasından dəvət olunub. O, müdafiəçidi. 2006-cı ildən etibarən “Wacker Innsbruck”da çıxış edir. Dario yalnız 2006-2007 mövsümündə “Wattens” (14 oyun), 2008-ci ildə isə “Hall”da (12 oyun) icarədə çıxış edib. “"Wacker Innsbruck"da 84 oyuna 2 qolla yadda qalan futbolçu hazırda azad agentdi.
