24 iyul 2013 20:21
Toşak: Ümidimiz qətiyyən azalmayıb
"Xəzər Lənkəran"ın baş məşqçisi Con Benjamin Toşak sabah Avropa Liqasının ikinci mərhələsi çərçivəsində keçiriləcək İsrailin "Maccabi" (Hayfa) klubu ilə cavab oyunu öncəsi fikirlərini açıqlayıb. Azerisport.az xəbər verir ki, o, bu gün baş tutan mətbuat konfransında bunları söyləyib:
"Özümüz işimizi çətinə salmışıq. Ümumiyyətlə, "Maccabi" çox güclü rəqibdi. Biz bunu oyundan öncə də bilirdik və 90 dəqiqə ərzində onların üstün cəhətlərini bir daha gördük. Matçın qırılma nöqtəsi 50-60-cı dəqiqələr arasında oldu. Əlimizə düşən real qol şanslarından yararlana bilmədik. Az sonra isə qapımızda kobud səhv sonrası ikinci qolu gördük. İkinci qol isə bizim üçün "soyuq duş" rolunu oynadı. Bununla belə, ümidimiz qətiyyən azalmayıb. Əgər bu gün biz Avropa Liqasında mübarizə aparırıqsa, əlimizi yanımıza salmamalı, irəli boylanmalıyıq. Çalışacağıq sürprizə imza ataq".
