25 iyul 2013 23:05
Ruslan Abışovun komandası Avroliqanın növbəti mərhələsində! (YENİLƏNİB)
Bu gün Avropa Liqasının ikinci təsnifat mərhələsinə yekun vurulub. Azerisport.az xəbər verir ki, futbol üzrə Azərbaycan yığmasının müdafiəçisi Ruslan Abışovun heyətində yer aldığı Rusiyanın “Rubin” klubu da bu turnirdə növbəti oyununa çıxıb.
Birbaşa bu mərhələdən mübarizəyə qoşulan həmyerlimizin komandası ilk cəhdində Serbiyanın “Jagodina” klubunu mübarizədən kənarlaşdırmalıydı. Kazanlılar birinci oyunu səfərdə keçirmişdilər və 3:2 hesabıyla qalib gəlmişdilər. Tatarıstan təmsilçisi evdə də qalib gəlib və növbəti mərhələyə adlayıb.
Bu görüşdə Ruslan Abışovun da meydana çıxması istisna olunmurdu. Baş məşqçi ona ehtiyat oyunçular arasında yer versə də, meydana çıxmasına imkan yaratmayıb.
Qeyd edək ki, bu cütün qalibini növbəti təsnifat mərhələsində Danimarkanın “Randers” klubu ilə görüş gözləyir.
Avropa Liqası
İkinci təsnifat mərhələsi (cavab oyunu)
25 iyul
Rubin - Jagodina - 1:0
