24 iyul 2013 17:35
“Sabah biz Qarabağa öz futbolumuzu göstərməliyik”
Polşanın “Piast” klubunun baş məşqçisi Marçin Broş Avropa Liqasının ikinci təsnifat mərhələsi çərçivəsində “Qarabağ”a qarşı keçirəcəkləri cavab matçı öncəsi fikirlərini açıqlayıb. Azerisport.az xəbər verir ki, o, bunları söyləyib:
“Bizi “Qarabağ”la çox çətin oyun gözləyir. Bütün həftəni onlarla cavab matçına hazırlaşmışıq. Şansımızı boşa vermək istəmirik. Növbəti mərhələyə vəsiqə qazanmaq üçün mümkün olan hər şeyi edəcəyik. Bizim buna gücümüz var. Sabahkı oyunda əsas məqsədimiz də məhz bu olacaq”.
“Bizi “Qarabağ”la çox çətin oyun gözləyir. Bütün həftəni onlarla cavab matçına hazırlaşmışıq. Şansımızı boşa vermək istəmirik. Növbəti mərhələyə vəsiqə qazanmaq üçün mümkün olan hər şeyi edəcəyik. Bizim buna gücümüz var. Sabahkı oyunda əsas məqsədimiz də məhz bu olacaq”.
Polşalı mütəxəssis komandamızdan danışarkən bunları bildirib: “Qarabağ”ın heyətində Braziliya, Gürcüstan, Makedoniya, Portuqaliya (bu arada qeyd edək ki, əslində Ağdam klubunda portəgiz futbolçu çıxış etmir – azerisport.az) kimi ölkələrdən futbolçular var. İlk oyunda onlara məğlub olsaq da, növbəti mərhələyə kimin adlayacağı məsələsi hələ açıq qalır. Sabah biz doğma azarkeşlərimizin gözü qarşısında öz futbolumuzu sərgiləməyə çalışacağıq. Biz öz oyun üslubumuzu və fəlsəfəmizi göstərməliyik”.
Onun sözlərinə görə, yetirmələri cavab matçında fərqli futbol nümayiş etdirəcək: “Sabah elə oynayacağıq ki, sanki ilk oyun olmayıb və hesab 0:0-dı. Hər iki komanda hücum futbolu oynayır. Ona görə də heç bir komanda müdafiə futboluna üstünlük verməyəcək. Azərbaycanlıların necə oynadığını Bakıdakı görüşdə gördük. İndi biz onlara öz oyunumuzu göstərməliyik”.
Broş həmçinin qeyd edib ki, komandasında heç bir itki yoxdu: “Uşaqların hamısı sağlamdı və bu, bizim üçün çox vacib əhəmiyyət daşıyır. Amma hər şey ola bilər. Bu üzdən istənilən gedişata hazır olmalıyıq”.
