Futbolçularımızın yeni baş məşqçisi bəlli oldu

Türkiyənin “Denizlispor” klubunun yeni baş məşqçisi müəyyənləşib. Azerisport.az xəbər verir ki, bu barədə klubun rəsmi saytı məlumat yayıb.

 

Məlumatda bildirilir ki, futbol üzrə Azərbaycan milli komandasının üzvləri Arif İsayev və Saşa Yunisoğlunun da formasını geydiyi Dənizli təmsilçisini bundan sonra Serdar Dayat çalışdıracaq. 44 yaşlı mütəxəssislə 1 illik müqavilə imzalanıb.

 

Qeyd edək ki, Serdar Dayatın son klubu Bolqarıstanın "Etar"ı olub. O, bundan əlavə “Gençlerbirliği”ndə Fuat Çapa, Tomas Doll, Ralf Zumdik, “Samsunspor”da da Vladimir Petkoviç və Mesut Bakkalın köməkçisi vəzifəsində də çalışıb.