25 iyul 2013 14:37
Simurqla oyunda sonuncu dəfə kapitan oldu
Türkiyənin "Beşiktaş" klubunun futbolçusu İbrahim Toraman kapitanlıqdan imtina edib. Azerisport.az xəbər verir ki, bu barədə təcrübəli futbolçu özü məlumat verib.
O, ötən gün "Simurq"la yoxlama matçından (2:1) sonra jurnalistlərə açıqlamasında bunları dilə gətirib: “Bununla bağlı baş məşqçi ilə danışdım. Slaven Biliç mənə komandada əsas heyətdə daha çox forma geyən futbolçuların kapitan olmasını istədiyini söylədi. Mən də onun qərarını hörmətlə qarşıladım”.
Qeyd edək ki, “Simurq”la matç Toramanın “qara qartallar”ı kapitan kimi meydana çıxardığı sonuncu görüş olub. Bundan sonra isə “Beşiktaş”ın əsas kapitanı Manuel Fernandes olacaq. Vitse-kapitan isə Tomas Sivok seçilib.
