25 iyul 2013 17:50
Elhad Nəziri Avroliqa oyunu öncəsi stress atdı (FOTOLAR)
Bu gün Avropa Liqasının ikinci təsnifat mərhələsinə yekun vurulacaq. Azerisport.az xəbər verir ki, futbol üzrə Azərbaycan yığmasının müdafiəçisi Elhad Nəzirinin heyətində yer aldığı Rumıniyanın “Petrolul” klubu da bu turnirdə növbəti oyununa çıxacaq.
Birbaşa bu mərhələdən mübarizəyə qoşulan həmyerlimizin komandası ilk cəhdində Farer adalarının “Vikingur” klubunu mübarizədən kənarlaşdırmalıdı. "Petroluul" doğma meydanda keçirilən görüşdə bu rəqibinə 3 cavabsız qolla qalib gəlib və demək olar ki, növbəti mərhələyə vəsiqənin taleyini həll edib. Bu gün baş tutacaq cavab görüşü sadəcə formal xarakter daşıyır.
Bu komandalar arasındakı ilk görüşdə 8 dəqiqə oynamış Elhadın bu dəfə də meydana çıxması istisna deyil. Bu görüş öncəsi isə həmyerlimizin komandası bu gün səhər saatlarında Farer adalarında gəzintiyə çıxıblar. Baş məşqçi Kosmin Kontra otel yaxınlığında gəzintiyə icazə verib. Elhad və komanda yoldaşları dumanlı və yağışlı havada stress atıblar.
