26 iyul 2013 11:34
XL 2 futbolçusunu qovdu, davamı olacaq
UEFA Avropa Liqasının ikinci təsnifat mərhələsinin “Maccabi”(Hayfa) ilə cavab qarşılaşmasında qeydə alınan böyük hesablı məğlubiyyət sonrası “Xəzər Lənkəran” klubu rəhbərliyi baş məşqçi Con Toşakla matçdan dərhal sonra görüşərək çalışdırıcının hesabatını dinləyib. Azerisport.az xəbər verir ki, komandanın bir həftə öncə səfər meydanında 0:2 hesabı ilə məğlub olduğu rəqibə doğma azarkeşlərimizin qarşısında böyük hesabla məğlub olması bəzi futbolçuların meydanda peşəkar futbolçuya yaraşmayan şəkildə mübarizə aparması, klub daxili ab-havanı pozduqları müəyyən olunub.
Bunu əsas götürən “Xəzər Lənkəran” klubu bu gün iki futbolçunu əsas komandadan göndərib. Belə ki, braziliyalı müdafiəçi Eder Bonfim və ispaniyalı qapıçı Toni Doblas əsas komandadan uzaqlaşdırılıb.
Əlavə olaraq qeyd edək ki, göndəriləcək digər futbolçular barədə də ictimaiyyətə məlumat veriləcək. (klub saytı)
