26 iyul 2013 11:52
Galatasarayın sabiq üzvü Simurda!
2013/14 mövsümünə hazırlıqları Avstriyada davam etdirən "Simurq" transfer çalışmalarını da sürdürməkdədi. Azerisport.az xəbər verir ki, ötən gündən komandanın düşərgəsinə daha üç futbolçu qoşulub.
Bunlar müdafiəçi İsmayıl Bouzit, yarımmüdafiəçi Raul Kostin və hücumçu Xose Emilio Furtadodu. Artıq komandayla bir məşqə də çıxmış əlcəzairli İsmayıl Bouzit karyerası ərzində "Galatasaray"ın da formasını geyinib.
30 yaşlı mərkəz müdafiəçisi 2007/08 mövsümündə İstanbul təmsilçisinin heyətində 10 görüşdə meydana çıxıb. Həmçinin o, ölkəsinin milli komandasının üzvüdü.
Rumıniyalı yarımmüdafiəçi Raul Kostin isə 2009-cü ildən ölkəsinin "Vaslui" klubunda forma geyinir.
Portuqalıyalı Xosenin isə son klubu Yunanıstanın "AEK" klubu olub. Hazırda baxışda olan bu futbolçular haqqında son qərarı məşqçilər korpusu verəcək.
Qeyd edək ki, baxışda olan braziliyalı Eudi Silva və müdafiəçi Dario Dakoviç isə artıq düşərgədən ayrılıb. Onlar məşqçilər korpusunun qərarı əsasında geri göndərilib.
