27 iyul 2013 14:04
FİFA Arif İsayev və Saşa Yunisoğlunun klubunu sərt cəza ilə hədələdi
Futbol üzrə Azərbaycan yığmasının üzvləri - Arif İsayevlə Saşa Yunisoğlunun şərəfini qoruduğu Türkiyənin PTT Birinci Liqa təmsilçisi “Denizlispor” klubunu ağır cəza gözləyir. Azerisport.az xəbər verir ki, bu barədə Türkiyə mətbuatı məlumat yayıb.
Məlumatda bildirilir ki, əvvəlki illərdə bu komandada forma geymiş legioner futbolçulara təxminin 2 milyon 450 min avro borcu olan klub bu məbləği ödəməyəcəyi təqdirdə “Denizlispor” transfer qadağası qoyula, xalı silinə və hətta aşağıya liqalara düşürülə bilər.
Bu barədə danışan klub prezidenti Süleyman Urkay bildirib ki, maaşlarını ala bilməyən sözügedən futbolçular FİFA və Beynəlxalq Arbitraj məkhəməsinə müraciət etdikləri üçün ödəniləcək məbləğ 8-10 dəfə daha da artıb: "Bu rəqəmlər bizim ödəyə biləcəyimiz məbləğlər deyil. Branimir Bajiçin 72 min avrodan 196 minə qaldırdığı məbləği avqustun 12-nə qədər ödəyə bilməsək, FİFA sanksiya tətbiq edəcək. Legionerlərlə yanaşı, yerli oyunçulara, baş məşqçilərə də 5 milyon türk lirəsinə yaxın borcumuz var. Hər kəsi “Denizlispor”a dəstək olmağa çağırırıq”.
Qeyd edək ki, “Denizlispor” keçmiş futbolçusu Emil Angelova 76 min, Martin Horaka 442 min, Branimir Bajiçə 196 min, Valmir Ribeyroya 500 min, David Sillaya 466 min, Uesli Qonçalvesə 418 min ( 200 min avro ödənilib), İbrahim Banquraya 220 min və Erik Odhiamboya 221 min avro məbləğində pul ödəməlidi.
