28 iyul 2013 20:03
Bakı 7 cavabsız qolla qalib gəldi
“Bakı” Topaz Premyer Liqasında yeni mövsümə hazırlıq çərçivəsində bu gün daha bir sınaq matçı keçirib. Azerisport.az xəbər verir ki, baş məşqçi Milinko Pantiç yetirmələrini Birinci Divizion təmsilçisi “Lokomotiv” ilə oyunda sınayıb.
Qarşılaşma elita təmsilçisinin böyük hesablı qələbəsi ilə başa çatıb. “Zolaqlılar” rəqib qapısından yeddi cavabsız top keçiriblər.
“Bakı”nın qollarını pokerə imza atan Aleksandr Şoliç, penaltidən fərqlənən Marius Pena, Deyvidas Çesnauski, eləcə də Mindauqas Kalonas vurub.
Qeyd edək ki, “Bakı”nın növbəti mövsüm üçün heyətində hansı futbolçuları saxlayacağı hələlik bilinmir. Mümkündü ki, serbiyalı mütəxəssis məhz bu görüşdən sonra yekun qərarını açıqlasın.
