28 iyul 2013 14:58
Honduras yığmasının üzvü Azərbaycan klubunun təklifini qəbul etmədi
Futbol üzrə Honduras yığmasının hücumçusu Karlo Kostli Azərbaycan çempionatında oynamaqdan imtina edib. Azerisport.az xəbər verir ki, bu barədə Yunanıstan mətbuatı məlumat yayıb.
Məlumatda bildirilir ki, Kostlini adı açıqlanmayan klublarımızdan biri heyətində görmək istəyirmiş. Amma Yunanıstanın “Veria” klubundan ayrılan futbolçu nəinki Azərbaycan, həmçinin Türkiyə təmsilçisindən də aldığı təklifi qəbul etməyib. Əvəzində o, Çinin “Guizhou Zhicheng” klubuna keçib. Buna səbəb isə çinlilərin 31 yaşlı forvarda daha yaxşı maliyyə şərtləri təklif etməsi olub.
Qeyd edək ki, Kostli karyerası ərzində “Platense”, “Becchatow”, “Birmingham City”, “Vaslui”, “Atlas”, “Houston Dynamo” kimi klublarda da çıxış edib.
