30 iyul 2013 01:14
Gefle - Qarabağ matçının baş hakimi açıqlandı
Avropa Liqasının üçüncü təsnifat mərhələsinin cavab oyunu çərçivəsində keçiriləcək “Gefle” (İsveç) - “Qarabağ” matçının baş hakimi müəyyənləşib. Azerisport.az xəbər verir ki, qarşılaşmanı isveçrəli hakimlər briqadası idarə edəcəklər.
Baş hakim isə Stefan Klossner olacaq. Onun köməkçilərinin kimliyi hələlik bəlli deyil.
Qeyd edək ki, “Qarabağ”la “Gefle” arasındakı cavab qarşılaşması avqustun 8-də, Sundsvalldakı “Norrporten Arena”da keçiriləcək. Hələlik oyunun başlama saatı da bəlli deyil.
İlk oyun isə avqustun 1-də Bakıda, Tofiq Bəhramaov adına Respublika stadionunda keçiriləcək və saat 21:00-da start götürəcək. Bu qarşılaşmanı Nikolas Rainville başda olmaqla fransalı hakimlər briqadası idarə edəcəklər.
