30 iyul 2013 15:44
Bahodir Nasimov Neftçidən ayrılır
“Neftçi”nin hücumçusu Bahodir Nasimov Özbəkistan milli komandasına dəvət alıb. Azerisport.az xəbər verir ki, Nasimov yığmasının heyətində 2014-cü il dünya çempionatının seçmə mərhələsi çərçivəsində İordaniyaya qarşı pley-off oyunlarında iştirak edə bilər.
Özbəkistan millisi bu komanda ilə sentyabrın 6-da səfərdə, 10-də isə evdə qarşılaşacaq.
Hücumçu bu oyunlara hazırlıq məqsədilə avqustun 11-dən 15-dək Daşkənddə təşkil olunacaq təlim-məşq toplanışına da çağırılıb. Özbəkistan yığması həmin toplanış çərçivəsində avqustun 14-də Türkiyə milli komandası ilə yoldaşlıq görüşü keçirəcək.
