31 iyul 2013 18:57
Qarabağ iki ciddi itki ilə üzləşdi
“Qarabağ” Avropa Liqasının üçüncü təsnifat mərhələsinin İsveç “Gefle”si ilə ilk oyunu öncəsi iki ciddi itki ilə üzləşib. Azerisport.az xəbər verir ki, Ağdam klubu aparıcı yarımmüdafiəçilərinin xidmətindən məhrum olub.
Bunlar Vüqar Nadirovla Reynaldodu. Vüqar Avroliqanın ikinci təsnifat mərhələsinin Polşa “Piast”ı ilə cavab oyunu zamanı zədələnib. Reynaldo isə komandanın son məşqlərindən birində sıradan çıxıb. Bu üzdən hər iki futbolçunun “Gefle” ilə oyunu buraxması gözlənilir.
Qeyd edək ki, bu iki futbolçu ilə yanaşı Maksim Medvedevin də isveçlilərə qarşı oynaması sual altındadı. Onun meydana çıxıb-çıxmayacağına baş məşqçi Qurban Qurbanov sabah qərar verəcək.
Sonda onu da xatırladaq ki, “Qarabağ” – “Gefle” oyunu sabah keçiriləcək və saat 21:00-da start götürəcək.
