31 iyul 2013 21:13
Per Olsson: Əsas hədəfimiz Bakıda qələbə qazanmaqdı
İsveçin “Gefle” klubunun baş məşqçisi Per Olsson Avropa Liqasının üçüncü təsnifat mərhələsi çərçivəsində “Qarabağ”la ilk oyun öncəsi fikirlərini açıqlayıb. Azerisport.az xəbər verir ki, o, bu gün Bakıda keçirilən mətbuat konfransında öncə bunları dilə gətirib:
“Mən “Qarabağ”ın Makedoniya və Polşa klubları ilə oyunlarını görmüşəm. Bu, fərdi cəhətdən çox güclü komandadı. Müdafiədə də yaxşı oynayırlar. Heyətində təcrübəli futbolçuları çoxdu. Futbolçulardan Reynaldo ilə Riçard Almeydanı xüsusi qeyd edərdim. Çox təhlükəli oyunçulardı. Bizim üçün üçüncü təsnifat mərhələsinə çıxmaq uğurdu. Amma bu, hələ son deyil”.
İsveçli mütəxəssis iki komandanı müqayisə edərkən bunları söyləyib: “Etiraf edim ki, “Qarabağ”ın futbolçuları bizimkilərdən daha təcrübəlidilər. Bizim oyunçular avrokuboklarda bu qədər iştirak etməyiblər. Klubunuzda yığma üzvü olan oyunçular da var. Ona görə sizin klubun “Gefle”dən daha yüksək səviyyəli komanda olduğunu etiraf etməliyəm”.
Olsson Kipr “Anorthosis”i üzərində qazandıqları 4:0 hesablı gözlənilməz qələbələrindən də danışıb: “Əvvəlki mərhələdə biz “Anorthosis”ə ilk oyunda 3 cavabsız qolla uduzmağa layiq deyildik. Cavab oyunu öncəsi Avroliqa və çempionat matçları arasında seçim etməli idik. Avrokuboklara üstünlük verməyi qərara aldıq. Amma bu cür qələbə bizim özümüz üçün də sürpriz oldu".
- Bilirsiz ki, UEFA kiprlilərlə cavab matçınızı araşdıra bilər?
- Bu, çox güman ki, onlara çox qol vurmağımızla əlaqədardı. Onları da başa düşmək olar. Çünki avrokuboklarda belə qələbələr çoxdan idi olmurdu. Əgər elədisə, onda qoy UEFA “Malmö” ilə oyunumuzu da araşdırsın. Çünki onlar “Anorthosis”dən də güclüdülər. Fikrimcə, bu cür ittihamlar çox yersizdi.
- Bu, çox güman ki, onlara çox qol vurmağımızla əlaqədardı. Onları da başa düşmək olar. Çünki avrokuboklarda belə qələbələr çoxdan idi olmurdu. Əgər elədisə, onda qoy UEFA “Malmö” ilə oyunumuzu da araşdırsın. Çünki onlar “Anorthosis”dən də güclüdülər. Fikrimcə, bu cür ittihamlar çox yersizdi.
- Bakıdakı oyunda sizi hansı nəticə qane edəcək?
- Əsas hədəfimiz qələbə qazanmaqdı. Lakin cavab oyununun olacağını da nəzərə alacağıq.
- Əsas hədəfimiz qələbə qazanmaqdı. Lakin cavab oyununun olacağını da nəzərə alacağıq.
