31 iyul 2013 17:39
Mario Martines: Bakıda küçədə gəzmək mənim üçün çox qorxulu idi
“Bakı”nın ispaniyalı yarımmüdafiəçisi Mario Martines Rubio ölkəsinin mətbuatına müsahibə verib. Azerisport.az xəbər verir ki, paytaxt klubuna qışda transfer olunan futbolçu ölkəmizdə üzləşdiyi çətinliklərdən danışıb, digər maraqlı məqamlara toxunub:
“Azərbaycana alışmaq mənim üçün çətin oldu. İlk növbədə bu, yollardakı hərəkətlə bağlı idi. Buna uyğunlaşmaq mənim üçün mümkün deyildi. Bütün bunları görəndə çox heyrətlənmişdim. Küçədə getmək mənim üçün qorxulu idi. Bu qorxu hələ də keçməyib”.
Martines komandasında xoşuna gəlməyən daha bir məqamı açıqlayıb: “Hər səhər futbolçuların hamısı bir-biri ilə salamlaşırdı və mütləq öpüşüb-görüşməliydilər. Bu isə xeyli vaxt aparırdı”.
O, eyni zamanda yerli futbolçuların ibadətlə məşğul olmasına da toxunub: “Əksər yerli futbolçular üçün dini ayinləri yerinə yetirmək böyük əhəmiyyət kəsb edirdi. Onlar gündə 5-6 dəfə namaz qılırdılar. Bəziləri bunu hətta paltardəyişmə otağında edirdi. Həmin vaxtda onlara qətiyyən mane olmaq olmazdı”.
“Azərbaycana alışmaq mənim üçün çətin oldu. İlk növbədə bu, yollardakı hərəkətlə bağlı idi. Buna uyğunlaşmaq mənim üçün mümkün deyildi. Bütün bunları görəndə çox heyrətlənmişdim. Küçədə getmək mənim üçün qorxulu idi. Bu qorxu hələ də keçməyib”.
Martines komandasında xoşuna gəlməyən daha bir məqamı açıqlayıb: “Hər səhər futbolçuların hamısı bir-biri ilə salamlaşırdı və mütləq öpüşüb-görüşməliydilər. Bu isə xeyli vaxt aparırdı”.
O, eyni zamanda yerli futbolçuların ibadətlə məşğul olmasına da toxunub: “Əksər yerli futbolçular üçün dini ayinləri yerinə yetirmək böyük əhəmiyyət kəsb edirdi. Onlar gündə 5-6 dəfə namaz qılırdılar. Bəziləri bunu hətta paltardəyişmə otağında edirdi. Həmin vaxtda onlara qətiyyən mane olmaq olmazdı”.
İspaniyalı futbolçu “Bakı”nın oyunlarına az azarkeş gəlməsindən də narazılığını dilə gətirib: “Bəzi oyunlara çıxanda adamda elə təəssürat yaranır ki, məşqə çıxırsan. Stadion beş min azarkeş tutumuna malikdi. Amma oyunlarımıza 300-dən çox azarkeş gəlmir. Özü də azarkeşlər oyuna gəlmək üçün heç bir avro da ödəmirlər. Oyunlara giriş pulsuz olur. Bunu eşidəndə daha çox təəccüblənmişdim”.
