2 avqust 2013 13:32
“Azərbaycandakı karyeramın uğurlu alınacağını düşünürəm”
“Rəvan”ın yeni transferi Sebastyan Kastro-Telyo Azərbaycan klubuna keçidindən danışıb. “Hammarbü”dən gələn isveçli futbolçu ölkəsinin mətbuatına bunları açıqlayıb:
“İlk növbədə menecerimə və mənim ölkə xaricində yeni klub tapmağıma yardımçı olmuş onun bütün həmkarlarına təşəkkürümü bildirmək istəyirəm. Düşünürəm ki, Azərbaycandakı karyeram uğurlu alınacaq. Bu, mənim legioner kimi debütüm olacaq. İsveçdən kənarda özümü sınamağı çox istəyirdim”.
“İlk növbədə menecerimə və mənim ölkə xaricində yeni klub tapmağıma yardımçı olmuş onun bütün həmkarlarına təşəkkürümü bildirmək istəyirəm. Düşünürəm ki, Azərbaycandakı karyeram uğurlu alınacaq. Bu, mənim legioner kimi debütüm olacaq. İsveçdən kənarda özümü sınamağı çox istəyirdim”.
Kastro son klubunda uzun müddət idi ki, forma geymirdi. Onun baş məşqçi Qreq Berqalterlə münasibətlərinin pis olduğu iddia edilirdi. Lakin yarımmüdafiəçinin “Rəvan”a keçidi zamanı “Hammarbü”də baş məşqçi dəyişikliyi də oldu və komandanı Tomas Dennerbi çalışdırmağa başladı. Telyo bu məsələyə də münasibət bildirib: “Düzünü deyim ki, Berqalterlə münasibətlərimiz yaxşı idi. Bir-birimizə hörmət edirdik. Aramızda heç bir problem yox idi. Sadəcə, onun mənə niyə şans vermədiyi özüm üçün də qaranlıq olaraq qalır. Mənim komandaya kömək etməyim üçün baş məşqçinin şans verməsi vacib idi. Dennerbi ilə də söhbətimiz oldu. Özü də çox maraqlı keçdi. O, bildirdi ki, nə vaxtsa geri qayıtsam, məni qəbul etməyə şad olacaqlar. Mən həmişə “Hammarbü” üçün oynamaq istəmişəm”.
