3 avqust 2013 20:03
Etame Xəzər Lənkəran ilə müqavilə imzaladı (FOTO)
“Xəzər Lənkəran” heyətini kamerunlu forvardla gücləndirib. Azerisport.az xəbər verir ki, komandayla 2 illik müqaviləyə imza atan Mbilla Etame Serj Flavyer bundan sonra ağ-yaşıl formada çıxış edəcək.
25 yaşlı afrikalı forvard 2008-ci ildən etibarən Türkiyənin 1-ci liqasının təmsilçisi olan "Adanaspor"un uğurları üçün çalışıb. Çıxış etdiyi ilk mövsümdə rəqib qapılarına 10 qol vurmuş Mbilla komandasının aparıcı oyunçularından birinə çevrildi. Ümumilikdə, Türkiyə təmsilçisinin heyətində 61 qola imza atmış hücumçu 2010/2011 mövsümünün yekunlarına əsasən Türkiyənin 1-ci liqasının ən yaxşı bombardiri mükafatına layiq görülüb. Maraqlıdır ki, yeni transfer imza atdığı qollardan yalnız birini penaltidən vurub.
