4 avqust 2013 12:58
Millimizin qapıçısı dünyada 1-ci oldu (VİDEO)
Aparıcı mərc kontorlarından olan “Bwin” 2014-cü il dünya çempionatının seçmə mərhələ oyunlarında qeydə alınan ən gözəl qapıçı qurtarışlarının seçiminin yekun nəticəsini elan edib. Azerisport.az xəbər verir ki, Azərbaycan milli komandasının üzvü Kamran Ağayev bu sorğuda birinci yeri tutub.
Seçimin final mərhələsində 10 ən inamlı qapıçı hərəkəti təyin olunub. Top-10 adlı ilk onluqda Makedoniya, Estoniya, Gürcüstan, Polşa, İsveçrə, Lüksemburq, İtaliya, Finlandiya və Azərbaycan milli komandalarının qapıçıları yer alıb.
10-cu pilləni Stanislav Nomasko (Moldova-İngiltərə) tamamlayıb, eston kiper Sergey Pareyko (Türkiyə-Estoniya), doqquzuncu, Gürcüstan millisinin qapıçısı Georgi Loriya (Gürcüstan-İspaniya) səkkizinci, polşalı Pryemislav Titon (Polşa-Moldova) yeddinci, isveçrəli Dieqo Benalyo (İsveçrə-Albaniya) altıncı, Lüksemburq millisinin qolkiperi Conatan Jubert (Lüksemburq-Portuqaliya) beçinci pilləyə sahib çıxıblar. Dördüncü mövqe İtaliya yığmasının çərçivə qoruyucusu Canluici Buffona (Bolqarıstan-İtaliya) qismət olub. Fin qapıçı Lukas Hradeski (Finlandiya-Fransa) üçüncülüyə sahib çıxıb. Gürcüstan yığmasının kiperi Giorgi Loriya (Gürcüstan-Belarus) ikinci pillədə qərarlaşıb.
Azərbaycan milli komandası və “Bakı” futbol klubunun qapıçısı Portuqaliya – Azərbaycan oyununda (3:0) qaytardıqları mükəmməl toplarla diqqətləri cəlb edib və onun Joao Moutinyonun zərbəsindən sonra dəf etdiyi top müvafiq sıralamada ilk pilləyə layiq görülüb.
