6 avqust 2013 11:09
Namiq Yusifov: Anorthosis ilə oyunların nəticəsi bizi Gefleyə daha ciddi yanaşmağa məcbur edir
“Qarabağ”ın yarımmüdafiəçisi Namiq Yusifovun azerisport.az saytına müsahibəsi
- Çempionatda yeni mövsümə “İnter” üzərində qələbə ilə başladınız. Bu komandaya son dörd ildə məğlub olmamağınızla bağlı nə deyə bilərsiz?
- Onlarla bu dəfəki oyunumuz da çox çətin alındı. Həm də oyun süni örtüyə malik “Şəfa” stadionunda keçirilirdi. İlk turda belə ciddi komanda ilə qarşılaşmağımız da əlavə çətinlik yaradırdı. Komandada yorğunluq da var idi. Bütün bunlara baxmayaraq, biz çox yaxşı oyun keçirdik. Məğlub duruma düşdüyümüz oyundan qalib ayrıldıq.
- Onlarla bu dəfəki oyunumuz da çox çətin alındı. Həm də oyun süni örtüyə malik “Şəfa” stadionunda keçirilirdi. İlk turda belə ciddi komanda ilə qarşılaşmağımız da əlavə çətinlik yaradırdı. Komandada yorğunluq da var idi. Bütün bunlara baxmayaraq, biz çox yaxşı oyun keçirdik. Məğlub duruma düşdüyümüz oyundan qalib ayrıldıq.
- Amma birinci hissədən sonra “bankirlər”in 3:0 hesabıyla üstünlüyü də qeydə alına bilərdi...
- Bəli, birinci hissəni bizim aktivimizə yazmaq olmaz. Amma ikinci yarıda komandamız əla oyun sərgilədi. Baxmayaraq ki, Avropa Liqasındakı oyunlara görə yaranan yorğunluqdan sonra belə çıxış etməyimizi gözləmək bir az çətin idi.
- Oyunun sonlarında “İnter”in futbolçusu Brüs Abdulay ilə aranızda problem yaşandı...
- Hər şey onun Riçard Almeydaya o cür zərbə endirməsindən sonra başladı. Düşünmürəm ki, o, bunu qəsdən etdi. Hər şey ani baş verdi.
- “İnter”lə oyunda heyətdə çoxlu dəyişikliklər var idi...
- Bu, normaldı. Əlbəttə, hansısa aparıcı futbolçunun yoxluğu komandanın çıxışına müəyyən qədər təsir göstərir. Amma biz iki cəbhədə mübarizə aparırıq. Ona görə də bu vəziyyətlə barışmaz lazımdı.
- Gözləmək olar ki, “Qarabağ” çempionatı Avropa Liqasında uğurlu çıxış etməyə qurban verəcək?
- Xeyr. Mövsümün əvvəlindən necə start götürməyimiz çox önəmlidi. Məsələn, biz ilk turda “İnter”ə qalib gələ bilməsəydik, əsas rəqibimiz “Neftçi” artıq bizi üç xal qabaqlamış olacaqdı. Mövsümün gedişində belə fərqləri aradan qaldırmaq heç də asan başa gəlmir.
- İsveçə yaxşı əhval-ruhiyyədə gedəcəksiz?
- Bəli. Bu, bizim üçün çox vacibdi. Çətin ki, “Gefle” bizə qarşı ilk oyundakı kimi çıxış etsin. Əminəm ki, bu oyunda onlar da hücum edəcəklər.
- Bəli. Bu, bizim üçün çox vacibdi. Çətin ki, “Gefle” bizə qarşı ilk oyundakı kimi çıxış etsin. Əminəm ki, bu oyunda onlar da hücum edəcəklər.
- Onlar Kipr “Anorthosis”inə səfərdə 3 cavabsız qolla uduzsalar da, evdə 4:0 hesabıyla qalib gələ biliblər. Belə qorxunc aqibətlə üzləşəcəyinizi düşünmürsüz?
- Bu haqda düşünmürük. Sadəcə bu və digər amillər bizi rəqibə daha ciddi yanaşmağa məcbur edir.
- Bu haqda düşünmürük. Sadəcə bu və digər amillər bizi rəqibə daha ciddi yanaşmağa məcbur edir.
