7 avqust 2013 00:07
Xəzər Lənkəran başladı, Etame ilk məşqə çıxdı
“Sumqayıt” klubu ilə mövsümün ilk oyunu sonrası “Xəzər Lənkəran”a verilən istirahət bitib. Azerisport.az xəbər verir ki, komanda bir günlük istirahətdən sonra ötən gün Lənkərandakı bazasında toplaşıb.
Saat 18:00-da isə “Xəzər Lənkəran” ehtiyat meydançada məşqə çıxaraq bir saat müddətində hazırlıq keçib. Yeni transfer Mbilla Etame də komanda ilə birgə məşqdə iştirak edib.
Bu gün də “Xəzər Lənkəran” bir məşq planlaşdırır ki, hazırlıq saat 18:00-da baş tutacaq. Hazırda komandada yalnız Vanderson Skarduelli yüngül zədədən əziyyət çəkir. Braziliyalı müdafiəçi fərdi məşqlərlə kifayətlənir.
