8 avqust 2013 22:50
Abışov oynadı, komandası mərhələ adladı (YENİLƏNİB)
Bu gün Avropa Liqasının üçüncü təsnifat mərhələsinin cavab oyunları keçirilib. Azerisport.az xəbər verir ki, futbol üzrə Azərbaycan yığmasının müdafiəçisi Ruslan Abışovun heyətində yer aldığı Rusiyanın “Rubin” klubu da bu turnirdə növbəti oyununa çıxıb.
Həmyerlimizin komandası bu mərhələdə “Randers”lə mübarizə aparırdı. Kazanlılar ilk görüşü səfərdə keçirmişdilər və qarşılaşma "Rubin"in qələbəsi ilə başa çatmışdı – 2:1. Ruslanın komandası bu dəfə daha inamlı qələbə qazanaraq, mərhələ keçən tərəf olub.
Cavab görüşündə Ruslan Abışovun meydana çıxıb-çıxmayacağı maraqla gözlənilird. Baş məşqçi Kurban Berdıyev onu 18-liyə daxil etsə də, futbolçumuz ilk dəqiqələrdən ehtiyatda idi. Amma o, 87-ci dəqiqədə oyuna daxil olub və ilk dəfə "Rubin"lə Avroliqa həyacanını yaşayıb.
Qeyd edək ki, “Rubin” bundan əvvəlki mərhələdə Serbiyanın “Jagodina” klubunu mübarizədən kənarlaşdırmışdı. Abışov “Randers”lə ilk matçda olduğu kimi, həmin oyunlarda da iştirak etməmişdi.
Avropa Liqası
Üçüncü təsnifat mərhələsi (cavab oyunu)
8 avqust
Rubin (Rusiya) - Randers (Danimarka) - 2:0
