8 avqust 2013 01:40
Çempionlar Liqasında pley-off mərhələsinin iştirakçıları bəlli oldu
Futbol üzrə UEFA Çempionlar Liqasında pley-off mərhələsinin bütün iştirakçılarının adları müəyyənləşib. Azerisport.az xəbər verir ki, qitənin ən nüfuzlu klub turnirinin üçüncü təsnifat mərhələsində mübarizə aparan 30 klub növbəti mərhələyə 15 vəsiqənin taleyinə aydınlıq gətiriblər.
İki oyuna əsasən güclü çıxan klublar aşağıdakılar oldular: Basel (İsveçrə), Steaua (Rumıniya), Maribor (Sloveniya), Şaxtyor (Karaqandi, Qazaxıstan), Fenerbahçe (Türkiyə), Ludogorets (Bolqarıstan), Olympique (Lion, Fransa), Austria (Avstriya), Zenit (Rusiya), Dinamo (Zaqreb, Xorvatiya), Metallist (Ukrayna), Celtic (Şotlandiya), Viktoria (Çexiya), Legia (Polşa), PSV (Hollandiya).
Beləliklə, adı çəkilən 15 klub mübarizəyə məhz pley-off mərhələsindən başlayacaq 5 iştirakçı ilə birgə ÇL-in qrup mərhələsinə 10 vəsiqənin taleyinə aydınlıq gətirəcəklər. Pley-off mərhələsindən mübarizəyə qoşulacaq kollektivlər isə bunlardı: Arsenal (İngiltərə), Milan (İtaliya), Schalke (Almaniya), Real Sociedad (İspaniya), Pacos de Ferreira (Portuqaliya).
Çempionlar Liqası
Pley-off mərhələsi
20-21 avqust/27-28 avqust
Çempion komandalar
Səpələnmişlər: Basel (İsveçrə), Celtic (Şotlandiya), Steaua (Rumıniya), Viktoria (Çexiya), Dinamo (Zaqreb, Xorvatiya).
Səpələnməmişlər: Austria (Avstriya), Legia (Polşa), Maribor (Sloveniya), Ludogorets (Bolqarıstan), Şaxtyor (Karaqandi, Qazaxıstan).
Qeyri-çempion komandalar
Səpələnmişlər: Arsenal (İngiltərə), Olympique (Lion, Fransa), Milan (İtaliya), Schalke (Almaniya), Zenit (Rusiya).
Səpələnməmişlər: PSV (Hollandiya), Metallist (Ukrayna), Fenerbahçe (Türkiyə), Real Sociedad (İspaniya), Pacos de Ferreira (Portuqaliya).
Qeyd edək ki, ÇL-in pley-off mərhələsinin püşkatması avqustun 9-da keçiriləcək.
