7 avqust 2013 13:48
Ruslan Əmircanov: Bütün günahı hücumçularda görmək düzgün deyil
“İnter”in müdafiəçisi Ruslan Əmircanovun azerisport.az saytına müsahibəsi
- Siz hələ “İnter”ə keçməzdən öncə də bu komandanın qalib gələ bilmədiyi “Qarabağ”la yenə bacarmadınız. 2010-cu ildən davam edən bu sindromun səbəbini nədə görürsüz?
- Bizim bu komanda ilə oyunlarda bəxtimiz gətirmir. Artıq dörd ildi ki, bu, davam edir. Ağdamlıları yaxşı analiz etmişdik. Yenə də alınmadı. Baxmayaraq ki, hesabı açmışdıq, üstün oyun sərgiləyirdik.
- Bizim bu komanda ilə oyunlarda bəxtimiz gətirmir. Artıq dörd ildi ki, bu, davam edir. Ağdamlıları yaxşı analiz etmişdik. Yenə də alınmadı. Baxmayaraq ki, hesabı açmışdıq, üstün oyun sərgiləyirdik.
- Ağdamlılar sizinlə müqayisədə Avroliqada çıxış etdikləri üçün həm də yorğun idilər və meydana optimal heyətlə çıxmamışdılar...
- (gülümsəyir) Üzücü olsa da, belədi. Bizim hücumçularımız, eləcə də hücumameylli futbolçularımız son zərbələrinin dəqiqliyi üzərində daha çox çalışmalıdılar. Qol epizodlarını çox sağa-sola xərcləyirik.
- Deməli, komandada yaxşı hücumçu yoxdu?
- Niyə ki? Bizim yaxşı hücumçularımız var. Sadəcə, üzərlərində bir qədər də çox işləmələri lazımdı ki, yaradılan qol epizodlarından bir qədər də yaxşı istifadə edə bilsinlər.
- Niyə ki? Bizim yaxşı hücumçularımız var. Sadəcə, üzərlərində bir qədər də çox işləmələri lazımdı ki, yaradılan qol epizodlarından bir qədər də yaxşı istifadə edə bilsinlər.
- Amma baş məşqçiniz hücumda ciddi problemlərinizin olduğunu deyir...
- Hər halda o, elə düşünür. Amma mən bütün günahı hücumçuların üzərinə atmaq istəməzdim. Dünyada hücumçusuz oynayan komandalar da az deyil. Məsələn, “Barcelona” məhz belə oyun oynayır. Amma Messi, Xavi, İnyesta kifayət qədər qol vurur.
- “İnter”də isə Xavi, İnyesta, Messi yoxdu. Deməli, yaxşı hücumçuya ehtiyac var...
- (gülür) Transfer pəncərəsinin bağlanmasına xeyli vaxt var. Əgər məşqçilər korpusu bu mövqeyə yeni oyunçu almaq istəsələr, yəqin ki, alarlar.
- “İnter” üçün mövsüm heç də uğurlu başlamadı. Öncə Avroliqada mübarizəni dayandırdınız, ardından çempionata məğlubiyyətlə başladınız. Komandada atmosfer necədi?
- Biz Avropa Liqasında uğurlu çıxış etməyi çox istəyirdik. Amma alınmadı. Mümkündü ki, bu, psixoloji cəhətdən komandaya təsir göstərib. Lakin bu, dünyanın sonu deyil. Qarşıda uzun mövsüm var. Növbəti oyunumuz “Qəbələ”yə qarşıdı. Hər halda bu uğursuzluqları unutdurmaq üçün kifayət qədər şansımız olacaq.
- Biz Avropa Liqasında uğurlu çıxış etməyi çox istəyirdik. Amma alınmadı. Mümkündü ki, bu, psixoloji cəhətdən komandaya təsir göstərib. Lakin bu, dünyanın sonu deyil. Qarşıda uzun mövsüm var. Növbəti oyunumuz “Qəbələ”yə qarşıdı. Hər halda bu uğursuzluqları unutdurmaq üçün kifayət qədər şansımız olacaq.
- Növbəti rəqibiniz ilk turda “Bakı”ya qalib gəlib (2:1) və yəqin ki, sizdən fərqli daha yaxşı əhval-ruhiyyədədilər...
- Bu oyuna qədər toparlanmalı və yeni mövsümdə ilk xallarımızı qazanmalıyıq. Mövsümün startına üç xal itirmək istəməzdik. Amma artıq “Qarabağ”la oyun geridə qalıb və növbəti oyuna köklənməliyik. “Qəbələ” ilə oyunumuz da asan olmayacaq. Çünki bu komanda ötən mövsümlə müqayisədə çox artırıb.
