7 avqust 2013 16:05
Maksim Medvedev: Gefle ilə oyun bizim son illərdəki ən ciddi sınağımızdı
“Qarabağ”ın müdafiəçisi Maksim Medvedev Avropa Liqasının üçüncü təsnifat mərhələsi çərçivəsində İsveçin “Gefle” klubu ilə cavab oyunu öncəsi fikirlərini açıqlayıb. Azerisport.az saytına müsahibəsində o, bunları dilə gətirib:
“Hiss edirəm ki, çox çətin oyun olacaq. “Qarabağ”ı hələ son illərdə belə çətin sınaq gözləməmişdi. Özü də oyun rəqib meydanında, süni örtüklü stadionda keçiriləcək. Hava şəraiti də Bakıdakından çox fərqlənir. Biz istiyə alışmışıq, rəqib isə soyuğa. Hətta yatanda da uzunqol köynəklə yatırıq”.
Təcrübəli müdafiəçi Riçard Almeydanın yoxluğuna da toxunub: “Əlbəttə, o, oynasaydı, bizə daha asan olacaqdı. O, topu özündə çox yaxşı saxlayır. İndi isə Almeydanın yoxluğunda müəyyən dəyişiklik qaçılmazdı. Amma düşünmürəm ki, hansısa radikal dəyişiklik olsun”.
Medvedev mərhələ adlamaq şansları barədə isə bunları söyləyib:
“Bakıda “Gefle”yə qalib gəldik. Onların hava ötürmələrinin qarşısını da uğurla ala bilirdik. Amma ev oyununda onlar daha aqressiv oynayacaqlar və güman ki, işimiz çətin olacaq. Əlimizdən gələni edib, rəqib hücumlarını zərərsizləşdirməliyik. Hücumçularımız isə ələ düşən hər qol şansından maksimum yararlanmağa çalışmalıdı”.
“Bakıda “Gefle”yə qalib gəldik. Onların hava ötürmələrinin qarşısını da uğurla ala bilirdik. Amma ev oyununda onlar daha aqressiv oynayacaqlar və güman ki, işimiz çətin olacaq. Əlimizdən gələni edib, rəqib hücumlarını zərərsizləşdirməliyik. Hücumçularımız isə ələ düşən hər qol şansından maksimum yararlanmağa çalışmalıdı”.
