9 avqust 2013 00:45
Qurban Qurbanov: Mərhələ keçəcəyimizə inanırdıq
“Qarabağ”ın baş məşqçisi Qurban Qurbanov Avropa Liqasının üçüncü təsnifat mərhələsi çərçivəsində İsveçin “Gefle” klubuna qarşı keçirilmiş cavab oyunundan sonra fikirlərini açıqlayıb. Azerisport.az saytına müsahibəsində o, 2:0 hesabıyla başa çatan görüşdən sonra oynadıqları stadionun qazonu ilə bağlı bunları dilə gətirib:
“Təbii ki, süni örtüklü meydança təbbi ot örtüyünün yerini verə bilməz. Premyer Liqada da süni örtüklü stadionlarda oyunlar keçiririk. Amma bu stadionun qazonu “Dalğa Arena”nın süni örtüklü qazonundan daha pis idi. Buna baxmayaraq, maksimum çalışdıq ki, qazon oyunumuza təsir göstərməsin. Oyunun sonlarında Çumbinyo yorulmuşdu. Bu üzdən onu əvəzləməli olduq. Həm də digər futbolçularımıza da belə oyunların gərginliyini hiss etmək imkanı yaratmağa çalışdıq. Biz mərhələ keçəcəyimizə inanırdıq. Uşaqlara da demişdim ki, nə olursa, olsun son saniyələrə qədər qələbəyə inansınlar. İnam olmadan Avroliqada mərhələ keçmək çətin məsələdi”.
