8 avqust 2013 14:38
Abdulay: Mənimlə Almeyda arasında problem yoxdu
Premyer Liqanın ilk turunda “İnter” və “Qarabağ” komandaları arasında keçirilən maçtda Ağdam klubunun yarımmüdafiəçisi Riçard Almeyda Brüs Abdulay ilə havada toqquşaraq zədə almışdı. Azerisport.az xəbər verir ki, bundan sonra Kütləvi İnformasiya Vasitələrində “İnter”li futbolçunun ünvanına bir sıra əsassız bəyanatlar səsləndirildi.
Müdafiəçinin özü görüşün sonlarında baş vermiş həmin epizodu belə şərh edib: “Həmin epizodda mən topa gedirdim. Nəzərə alın ki, mən hətta qaydanı pozmadım. Mən məhz belə olduğuna görə çox təəssüflənirəm. Mən ona zədə yetirmək istəmirdim, sadəcə futbol belədi və heç bir futbolçu belə zədələrdən sığortalanmayıb. Mən özüm tez-tez belə zədələr alıram. Son matçlardan birində tam bir hissəni başısarıqlı oynamağa məcbur oldum. Riçard Almeyda meydanı tərk edən zaman ona yaxınlaşdım və vəziyyəti ilə maraqlandım. O, dedi ki, vəziyyəti normaldı. Sonra mən ona zəng etdim və üzr istədim. O da cavab verdi ki, məndən inciməyib. Bizim aramızda hər hansı bir problem yoxdu”. (klub saytı)
