9 avqust 2013 15:01
Çempionlar Liqasında pley-offun püşkü atıldı: Fenerbahçe Arsenala rəqib oldu (YENİLƏNİB)
Bu gün futbol üzrə UEFA Çempionlar Liqasında pley-off mərhələsinin püşkü atılıb. Azerisport.az xəbər verir ki, qitənin ən nüfuzlu klub turnirinin qrup mərhələsinə vəsiqə uğrunda mübarizə aparacaq 20 klub bir-birinə rəqib olub.
Qeyd edək ki, onlardan 15-i üçüncü təsnifat mərhələsində qələbə qazanan kollektivlərdi: Basel (İsveçrə), Steaua (Rumıniya), Maribor (Sloveniya), Şaxtyor (Karaqandi, Qazaxıstan), Fenerbahçe (Türkiyə), Ludogorets (Bolqarıstan), Olympique (Lion, Fransa), Austria (Avstriya), Zenit (Rusiya), Dinamo (Zaqreb, Xorvatiya), Metallist (Ukrayna), Celtic (Şotlandiya), Viktoria (Çexiya), Legia (Polşa), PSV (Hollandiya).
Adı çəkilən 15 klub mübarizəyə məhz pley-off mərhələsindən başlayacaq 5 iştirakçı ilə birgə ÇL-in qrup mərhələsinə 10 vəsiqənin taleyinə aydınlıq gətirəcəklər. Pley-off mərhələsindən mübarizəyə qoşulan kollektivlər isə bunlardı: Arsenal (İngiltərə), Milan (İtaliya), Schalke (Almaniya), Real Sociedad (İspaniya), Pacos de Ferreira (Portuqaliya).
Çempionlar Liqası
Pley-off mərhələsi
20-21 avqust/27-28 avqust
Çempion komandalar
Səpələnmişlər: Basel (İsveçrə), Celtic (Şotlandiya), Steaua (Rumıniya), Viktoria (Çexiya), Dinamo (Zaqreb, Xorvatiya).
Səpələnməmişlər: Austria (Avstriya), Legia (Polşa), Maribor (Sloveniya), Ludogorets (Bolqarıstan), Şaxtyor (Karaqandi, Qazaxıstan).
Qeyri-çempion komandalar
Səpələnmişlər: Arsenal (İngiltərə), Olympique (Lion, Fransa), Milan (İtaliya), Schalke (Almaniya), Zenit (Rusiya).
Səpələnməmişlər: PSV (Hollandiya), Metallist (Ukrayna), Fenerbahçe (Türkiyə), Real Sociedad (İspaniya), Pacos de Ferreira (Portuqaliya).
Püşkatma nəticəsində aşağıdakı cütlüklər formalaşıb:
Dinamo (Zaqreb) - Austria
Ludogorets - Basel
Viktoria - Maribor
Şaxtyor (Karaqandi) - Celtic
Steaua - Legia
Olympique (Lion) - Real Sociedad
Schalke - Metallist
Pacos de Ferreira - Zenit
PSV - Milan
Fenerbahçe - Arsenal
