9 avqust 2013 12:16
Reynaldo: 100 faiz əminəm ki, Qarabağ qrup mərhələsində oynayacaq
“Qarabağ”ın yarımmüdafiəçisi Reynaldo Avropa Liqasının üçüncü təsnifat mərhələsi çərçivəsində İsveçin “Gefle” klubu ilə cavab oyunundan sonra fikirlərini açıqlayıb. Azerisport.az saytına müsahibəsində o, 2:0 hesabıyla başa çatan görüşdən sonra bunları dilə gətirib:
“Çox möhtəşəm oyun idi. Komandamız bütövlükdə çox əla oyun sərgilədi. Biz meydanda təşəbbüsə tam yiyələnmişdik və rəqibə öz oyununu oynamağa imkan vermirdik. İsveçdə də daha güclü olduğumuzu sübut etdik. Bütün futbolçular çox yaxşı iş gördülər. Şəxsən mən ürəkdən və “Qarabağ”ın azarkeşləri üçün oynayırdım”.
Reynaldo vurduğu möhtəşəm qoldan da danışıb: “Əlbəttə, şadam ki, bu oyunda da fərqlənə bildim. Bu, “Qarabağ”dakı ilk qolum deyil. Bu üzdən xüsusi sevinməyə əsas yoxdu. Sadəcə, komanda yoldaşlarıma kömək etmək istəyirəm. Reynaldonun qol vurması yox, komandamızın qalib gəlməsi daha önəmlidi”.
Reynaldo vurduğu möhtəşəm qoldan da danışıb: “Əlbəttə, şadam ki, bu oyunda da fərqlənə bildim. Bu, “Qarabağ”dakı ilk qolum deyil. Bu üzdən xüsusi sevinməyə əsas yoxdu. Sadəcə, komanda yoldaşlarıma kömək etmək istəyirəm. Reynaldonun qol vurması yox, komandamızın qalib gəlməsi daha önəmlidi”.
Braziliyalı futbolçu komandasının qrup mərhələsinə vəsiqə qazanacağına inanır: “Mən 100 faiz əminəm ki, “Qarabağ” qrup mərhələsində oynayacaq. Niyə? Çünki bizim əla komandamız, oyunçularımız, məşqçimiz var”!
Reynaldo sonda azarkeşlərə təşəkkürünü bildirib: “Məni dəstəkləyən hər bir kəsə təşəkkür edirəm” Demək istəyirəm ki, mən də onları çox sevirəm. Onların dəstəyini hiss edirəm. Onları sevindirə bilirəmsə, buna görə çox şadam. Ümid edirəm ki, “Qarabağ”ı növbəti oyunlarda da yaxşı dəstəkləyəcəklər”.
