9 avqust 2013 15:13
“Qarabağın qazanacağı uğur digər klublarımızın uğursuzluqlarını da unutdura bilər”
“Kəpəz”in sabiq baş məşqçisi Mahmud Qurbanov “Qarabağ”ın Avropa Liqasının üçüncü təsnifat mərhələsi çərçivəsində İsveçin “Gefle” klubu ilə cavab oyunundan sonra fikirlərini açıqlayıb. Azerisport.az saytına müsahibəsində o, 2:0 hesabıyla başa çatan görüşdən sonra bunları dilə gətirib:
“Qarabağ” layiqli və gözəl oyun sərgilədi. Bütün futbolçular baş məşqçi tərəfindən qarşılarına qoyulan vəzifənin öhdəsindən gəldilər, tapşırıqları yüksək səviyyədə yerinə yetirdilər. Komanda öz çıxışı ilə bizi sevindirdi. Ağdamlılar topu yaxşı saxlayırdılar, oyuna nəzarəti əllərində saxlamağa çalışırdılar və rəqibə fərqlənmək imkanı yaratmırdılar. Bundan sonra da “Qarabağ”ı dəstəkləməliyik. Aydın məsələdi ki, pley-offdakı rəqib daha güclü olacaq. Amma əsas öz komandamızın sərgiləyəcəyi oyundu. “Qarabağ”ın bu mərhələdə qazanacağı uğur digər klublarımızın uğursuzluqlarını da unutdura bilər”.
