13 avqust 2013 14:51
Azərbaycanın heç vaxt qalib gələ, qol vura bilmədiyi Malta ilə dördüncü sınağı
Sabah - avqustun 14-də, saat 21:00-da, "Bakcell Arena"da Azərbaycan və Malta milli komandaları arasında yoldaşlıq oyunu keçiriləcək. Azerisport.az xəbər verir ki, yığmamız bu rəqibi ilə indiyə qədər üç dəfə üz-üzə gəlib.
Təəssüf ki, həmin görüşlərin hamısında məğlub olan tərəf olmuşuq. Özü də səfərdə baş tutan həmin görüşlərin heç birində rəqib qapısına yol tapa bilməmişik. İndi millimiz bu rəqibi ilə doğma divarlar arasında keçirəcəyi ilk oyunda buraxdığı 9 cavabsız qolun revanşını almağa çalışmalıdı.
Bu komandaların indiyə qədər üz-üzə gəldikləri oyunlarda qeydə alınmış nəticələri diqqətinizə çatdırırıq:
19 aprel 1994. Ta Qali. Yoldaşlıq oyunu. Malta – Azərbaycan 5:0
6 fevral 2000. Ta Qali. Beynəlxalq turnir. Malta – Azərbaycan 3:0
17 aprel 2002. Ta Qali. Yoldaşlıq oyunu. Malta – Azərbaycan 1:0
