14 avqust 2013 18:10
Simurqun Neftçi hazırlığı (FOTOREPORTAJ)
Ötən tur səfərdə "Xəzər Lənkəran"la qolsuz heç-heçə edən "Simurq" bir günlük istirahətdən sonra məşqləri bərpa edib. Azerisport.az xəbər verir ki, "Neftçi"ylə oyunun hazırlıqlarına start verən Georgi Çixradzenin yetirmələri gündə bir dəfə olmaqla çalışmaları davam etdirir.
Xüsusən taktiki və texniki təmrinlərə üstünlük verən Zaqatala təmsilçisi, fiziki hazırlığın artırılması ilə bağlı məşqləri isə fitness zalda edir. Zədə səbəbindən məşqlərdə iştirak edə bilməyən Rövşən Əmiraslanov isə artıq dünəndən hazırlıqlara qoşulub. Zədəsin tam sağaldan təcrüməli futbolçumuz komanda ilə birlikdə məşq edir. Yalnız U-21-in düşərgəsində olan Rəşad Eyyubov komandanın "Neftçi"ylə oyuna hazırlıqlarında iştirak edə bilmir. Yığma ilə Bolqarıstanda təlim-məşq toplanışında olan gənc futbolçu avqustun 16-da heyətə qoşulacaq.
Qeyd edək ki, "Simurq" Topaz Premyer Liqasının növbəti turunda "Bakcell Arena"da "Neftçi"nin qonağı olacaq. Qarşılaşma 21:00-da start götürəcək və İdman Azərbaycan kanalı vasitəsilə canlı yayımlanacaq.
