14 avqust 2013 12:28
Rəvan yeni baş məşqçi ilə ilk məşqinə çıxdı
"Rəvan” Topaz Premyer Liqasının 3-cü turunda üz-üzə gələcəyi "Bakı” ilə oyunun hazırlıqlarını davam etdirir. Azerisport.az klub saytına istinadən xəbər verir ki, "Bayıl Arena”da hazırlaşan komanda yeni baş məşqçi Vladislav Qədirovun rəhbərliyi altında ilk məşqinə çıxıb.
Bundan əvvəlki məşqi sadəcə izləməklə kifayətlənən 42 yaşlı mütəxəssis bu dəfə prosesə birbaşa nəzarət edib.
Qədirov futbolçular və xətlər arasındakı anlaşmanı gücləndirmək üçün müxtəlif üsullara əl atıb. Yetirmələrinə saat yarım məşq keçən məşqçi texniki-taktiki hazırlığa xüsusi önəm verib. Bu səbəbdən də futbolçular demək olar, toplu çalışmalarla "yüklənib”. Futbolçular məşqin son bölümündə qapıya zərbələr, cinah asmalarının qapanması üzərində işləyiblər.
