14 avqust 2013 17:19
Qəbələ Sumqayıtla oyunun hazırlıqlarına başladı
Topaz Premyer Liqasının 2-ci turu çərçivəsində keçirilmiş "Qəbələ" - "İnter" (3:2) matçından sonra 2 günlük istirahətə buraxılan "qırmızı-qaralar" bu gün yenidən doğma məkanda bir araya gəlib. Azerisport.az klubun rəsmi saytına isitnadən xəbər verir ki, baş məşqçi Yuri Syominin rəhbərliyi altında toplanan komanda Premyer Liqanın 3-cü turunda baş tutacaq "Sumqayıt" - "Qəbələ" oyununun hazırlıqlarına start verib.
Hazırlıq prosesinə tam heyətlə qatılan "Qəbələ"nin düşərgəsində yüksək əhval-ruhiyyə müşahidə olunub.
Xatırladaq ki, "Sumqayıt" - "Qəbələ" görüşü avqustun 19-da saat 18:00-da start götürəcək. Matç Mehdi Hüseynzadə adına Sumqayıt şəhər stadionunda keçiriləcək.
