Vüsal Əliyevlə 7-ci oyun

"Rəvan” Topaz Premyer Liqasının 3-cü turu çərçivəsində "Bakı” ilə qarşılaşacaq. Azerisport.az xəbər verir ki, “aslanlar”ın qonaq qismində çıxış edəcəyi paytaxt derbisini idarə edəcək hakimlər də artıq bəllidi.

 

Oyunu ölkəmizin sayılıb-seçilən referilərindən olan Vüsal Əliyev idarə edəcək.

 

Bu, Əliyevin Premyer Liqada “Rəvan”la yollarının kəsişdiyi 7-ci hal olacaq. Buna qədər “Rəvan”ın 6 görüşündə ədaləti təmsil edən Vüsal Əliyevin fit çaldığı oyunlada bu komanda 3 qələbə qazanıb (Sumqayıt – 1:0, Turan – 6:2, Xəzər Lənkəran – 2:1), 1 dəfə heç-heçəyə razılaşıb.

 

"Xəzər Lənkəran” və AZAL ilə səfər görüşlərində isə məğlubiyyət qeydə alınıb. Maraqlıdır ki, bu 6 oyunun 5-i səfər matçlarına təsadüf edib və “Rəvan” indi yenə rəqib komandanın meydanında oynayacaq. Özü də bu oyunlarda "sülh” olmayıb. Onun idarə etdiyi oyunlarda yeganə heç-heçə "Xəzər Lənkəran” ilə ev matçıba təsadüf edir. (klub saytı)