16 avqust 2013 13:48
Rasim Ramaldanov: Qisas alınmayana qədər, 0:8-i unutmaq mümkün olmayacaq
Futbol üzrə Azərbaycan millisinin və “Xəzər Lənkəran”ın müdafiəçisi Rasim Ramaldanovun azerisport.az saytına müsahibəsi
- Bu, sizin Azərbaycan yığması ilə ilk qələbənizdi?
- Çoxdan idi qələbə qazana bilmirdik. Şadam ki, nəhayət buna nail ola bildik. Müdafiədə yaxşı oynadıq. Komanda toparlanmağı bacardı və fikrimcə çox yaxşı futbol sərgilədi. Amma daha çox qol vura bilərdik. İstənilən halda layiqli qələbə qazandığımızı düşünürəm.
- Çoxdan idi qələbə qazana bilmirdik. Şadam ki, nəhayət buna nail ola bildik. Müdafiədə yaxşı oynadıq. Komanda toparlanmağı bacardı və fikrimcə çox yaxşı futbol sərgilədi. Amma daha çox qol vura bilərdik. İstənilən halda layiqli qələbə qazandığımızı düşünürəm.
- Rəşad Sadıqovun yoxluğunda çətin olmadı ki?
- Berti Foqtsun bu oyuna fərqli heyət çıxarması ilə bağlı heç nə deyə bilmərəm. Görünür, sadəcə eksperimentlərə əl atmaq istəyirdi. Amma şübhəsiz ki, Rəşadla oynamaq mənə daha rahatdı. Eyni zamanda Bədavi Hüseynovla da pis anlaşdığımızı deməzdim. O, özünü yaxşı tərəfdən göstərdi. Sadəcə, Sadıqov daha təcrübəli oyunçudu. Kapitana bir qədər istirahət imkanı yaratdılar.
- Sizcə, bu oyunla İsraildən xal almaq olar?
- Başa düşürük ki, çətin olacaq. Amma daha yaxşı çalışsaq, müsbət nəticə ilə dönə bilərik.
- Azərbaycan komandalarının İsrail təmsilçisi ilə son oyunu yumşaq desək, uğursuz alınıb... (“Xəzər Lənkəran”ın Hayfa “Maccabi”sinə 0:8 hesablı məğlubiyyəti nəzərdə tutulur)
- (gülümsəyir) Mən hələ də bu oyunu xatırlayıram. Onu unutmaq olmur. Yəqin ki, qisas almayana qədər unudulmayacaq. Ümid edirəm ki, İsraillə oyundan bir gün sonra bu, məndə alınacaq.
- Premyer Liqanın növbəti turunda “Qarabağ”la qarşılaşacaqsız. Ağdam klubunun üzvləri ilə bu barədə söhbətiniz oldu?
- Zarafatlaşdıq, vəssalam. Amma meydanda zarafat olmayacaq. Bizi çox çətin oyun gözləyir.
- Zarafatlaşdıq, vəssalam. Amma meydanda zarafat olmayacaq. Bizi çox çətin oyun gözləyir.
- “Xəzər Lənkəran”ı hansı nəticə bu vəziyyətdən çıxara bilər?
- Çətin ki, bir oyunun nəticəsi bizim üçün hər şeyi dəyişsin. Amma indidən hər oyunda xal toplamağımız lazımdı. Bu yolla irəliləyirik. Komanda tədricən özünə gəlir. “Simurq”a qarşı pis oynamadıq. Sadəcə, qol vurmaq mümkün olmadı.
- İndiki “Xəzər Lənkəran” “Qarabağ”ı məğlub edəcək gücdədi?
- Oyuna məsuliyyətlə hazırlaşsaq, qələbəni çox istəsək, “Xəzər Lənkəran”ın Azərbaycanda məğlub edə bilmədiyi komanda yoxdu. Amma bütövlükdə heç-heçə də pis nəticə olmazdı.
- Oyuna məsuliyyətlə hazırlaşsaq, qələbəni çox istəsək, “Xəzər Lənkəran”ın Azərbaycanda məğlub edə bilmədiyi komanda yoxdu. Amma bütövlükdə heç-heçə də pis nəticə olmazdı.
