16 avqust 2013 16:57
Azərbaycan - Rusiya matçı Mərkəzi arenada keçirilməyəcək!
Futbol üzrə Azərbaycan millisi oktyabrın 15-də DÇ-2014-ün seçmə mərhələsi çərçivəsində qarşılaşacağı Rusiya yığmasını Tofiq Bəhramov adına Respublika stadionunda qəbul etməyəcək. Azerisport.az saytına bu barədə AFFA-dan məlumat verilib.
Məlumatda bildirilir ki, komandamız sentyabrın 11 və 15-də iki rəsmi ev oyunu keçirəcəyindən, həmin görüşlərin ayrı-ayrı arenalarda keçirilməsi məqsədəuyğun hesab olunmayıb. Nəticədə, həm Rusiya, həm də bundan dörd gün öncə keçiriləcək Şimali İrlandiya ilə oyunun “Bakcell Arena”da keçirilməsinə qərar verilib.
Qeyd edək ki, komandamız artıq neçənci dəfədi ki, rəqiblərini bu arenada qəbul edir və bu baxımdan 8-ci km-dəki stadionu milli üzvləri üçün doğma saymaq olar. AFFA həmçinin bu arenanın 11 min azarkeş tutumuna malik olduğunu nəzərə alaraq, hər iki rəsmi oyunda tribunaların tam doldurulmasına nail olmaq istəyir. Özü də federasiya bunun üçün xüsusi aksiya həyata keçirəcək. Belə ki, Şimali İrlandiya və Rusiya ilə oyunlar üçün azarkeşlərə eyni biletlər satılacaq. Bu isə o deməkdi ki, irlandlarla görüşü izləmək fürsəti qazanan azarkeş Rusiya ilə oyunda da meydanda olacaq.
