16 avqust 2013 17:33
“Niyə də bu seriyanı Şimali İrlandiya və Rusiya ilə oyunlarda davam etdirməyək”?
AFFA-nın baş katibi Elxan Məmmədov DÇ-2014-ün seçmə mərhələsi çərçivəsində keçiriləcək Şimali İrlandiya (11 oktyabr) və Rusiya (15 oktyabr) ilə ev oyunlarının “Bakcell Arena”ya təyin olunmasını şərh edib. Azerisport.az saytına müsahibəsində o, bunları söyləyib:
“Birincisi, Azərbaycan yığması artıq iki ardıcıl oyundu rəqiblərini “Bakcell Arena”da qəbul edir. Lüksemburqla oyunda 10 000 bilet sata bilmişdiksə, Malta ilə görüşdə 7 000 bilet satıldı. Məhz bu amil oyunun Tofiq Bəhramov adına Respublika stadionundansa, “Bakcell Arena”da keçirilməsini vacib edir. Çünki biz yığmamızın yarıboş stadionda oynamasını istəmirik.
“Birincisi, Azərbaycan yığması artıq iki ardıcıl oyundu rəqiblərini “Bakcell Arena”da qəbul edir. Lüksemburqla oyunda 10 000 bilet sata bilmişdiksə, Malta ilə görüşdə 7 000 bilet satıldı. Məhz bu amil oyunun Tofiq Bəhramov adına Respublika stadionundansa, “Bakcell Arena”da keçirilməsini vacib edir. Çünki biz yığmamızın yarıboş stadionda oynamasını istəmirik.
İkincisi, biz bu oyunlara paralel bilet satışı təşkil etməyə qərar vermişik. Yəni Şimali İrlandiya və Rusiya ilə oyunlar üçün ayrı-ayrı biletlər satışa çıxarılmayacaq. Hər hansı azarkeş bir bilet alacaqsa, onunlə həm Şimali İrlandiya, həm də Rusiya ilə oyuna baxmaq şansı qazanacaq.
Üçüncüsü, futbolçuların özlərinin müəyyən inancları var və bu arenanı komandamız üçün düşərli hesab edirlər. Yığmamız “Bakcell Arena”da indiyə qədər hələ uduzmayıb. Niyə də bu seriyanı qarşıdakı oyunlarda davam etdirməyək? Çox istərdik ki, bu oyunlarda komandamıza ən yaxşı dəstək verəcək azarkeşlər stadiona gəlsinlər”.
