20 avqust 2013 13:27
Aleksandr Çertoqanov: Qəbələ ilə oyunda qalib gəlməyimizi çox istəyirdim
“Sumqayıt”ın yarımmüdafiəçisi Aleksandr Çertoqanovun azerisport.az saytına müsahibəsi
- Deyilənə görə, “Sumqayıt” mövsümdəki ilk qələbəsinə elə sevinirmiş ki, sanki “Barcelona”ya qalib gəlib...
- (gülür) Daha o cür sevinmirdik. Amma qələbə qazandığımız üçün sevinirdik. Qələbə hər zaman xoşdu. Özü də bizi bu oyunda dəstəkləməyə xeyli azarkeş gəlmişdi. Şadıq ki, onları məyus etmədik.
- Gözlənilməz qələbə qazandınız. Siz də belə düşünmürsüz?
- Əlbəttə, “Qəbələ” bu görüşün favoriti idi. Amma biz də oyuna çox yaxşı köklənmişdik. İtiriləsi heç nəyimiz yox idi. Bizdə hər şey yaxşı alındı. Ola bilər ki, bəzi epizodlarda bəxtimiz də gətirdi. Gənc heyətimiz var. Müəyyən mənada bu qələbəni sensasion da saymaq olar. Çünki “Sumqayıt”la “Qəbələ”nin büdcəsi müqayisəolunmazdı.
- Əlbəttə, “Qəbələ” bu görüşün favoriti idi. Amma biz də oyuna çox yaxşı köklənmişdik. İtiriləsi heç nəyimiz yox idi. Bizdə hər şey yaxşı alındı. Ola bilər ki, bəzi epizodlarda bəxtimiz də gətirdi. Gənc heyətimiz var. Müəyyən mənada bu qələbəni sensasion da saymaq olar. Çünki “Sumqayıt”la “Qəbələ”nin büdcəsi müqayisəolunmazdı.
- Amma dünən “Qəbələ”yə həmin pullar yardımçı olmadı...
- Bu, futbolda əsas deyil. Rəqibimiz bizi heyətindəki futbolçu seçiminə görə üstələyirdi. Amma biz bir daha sübut etdik ki, nə pul, nə də adlı-sanlı oyunçuların olması meydanda hər şeyi həll etmir.
- Bu, futbolda əsas deyil. Rəqibimiz bizi heyətindəki futbolçu seçiminə görə üstələyirdi. Amma biz bir daha sübut etdik ki, nə pul, nə də adlı-sanlı oyunçuların olması meydanda hər şeyi həll etmir.
- Sizinlə Anar Nəzirov üçün bu oyun xüsusi əhəmiyyət kəsb edirdi. Çünki hər ikiniz son mövsümü “Qəbələ”də keçirmişdiniz...
- Mən “Qəbələ”də iki normal mövsüm keçirdim. Komanda yoldaşlarım, azarkeşlər mənə hörmət edirdilər. Amma gedişim o qədər də yaxşı olmadı. Şəxsən mənimlə insani baxımdan düzgün davranmadılar. Konkret şəkildə üzümə heç bir söz demədilər.
- Bu qələbə yerinə düşdü?
- Mən bu qələbə ilə kimlərəsə mesaj göndərmək fikrində deyiləm. Amma bu komanda üzərində qələbə qazanmağı çox istəyirdim. Eyni zamanda “Qəbələ”də keçirdiyim iki mövsümə görə də bu komandaya minnətdaram. Onlar üzərində qələbəni isə mən tək qazanmamışam. Buna bütün komanda nail olub.
- Mən bu qələbə ilə kimlərəsə mesaj göndərmək fikrində deyiləm. Amma bu komanda üzərində qələbə qazanmağı çox istəyirdim. Eyni zamanda “Qəbələ”də keçirdiyim iki mövsümə görə də bu komandaya minnətdaram. Onlar üzərində qələbəni isə mən tək qazanmamışam. Buna bütün komanda nail olub.
- “Sumqayıt” “Qarabağ”a darmadağınla uduzur, “Qəbələ”yə qalib gəlir. Gələcəkdə necə olacaq?
- Ümid edirəm ki, bu, bizim sonuncu sürprizimiz olmayacaq. Üç gün sonra bizi AZAL ilə oyun gözləyir. Ciddi komandadı. Yaxşı hazırlaşmalıyıq.
- Ümid edirəm ki, bu, bizim sonuncu sürprizimiz olmayacaq. Üç gün sonra bizi AZAL ilə oyun gözləyir. Ciddi komandadı. Yaxşı hazırlaşmalıyıq.
- Komanda yoldaşınız Vüqar Əsgərov “Sumqayıt”dakı ikinci oyunundan sonra milliyə dəvət olundu. Amma siz yox...
- Yığmada olmaq həmişə xoşdu. Klubumda oynamağa, özümü yaxşı tərəfdən göstərməyə çalışacağam. Məşqçilər baxırlar. Lazım bilsələr, dəvət edərlər.
- Sizcə, milliyə niyə dəvət almırsız? Olmaya, milliləşdirilmiş futbolçulardan imtina olunmağa başlayıb?
- Ötən mövsüm mənim zədəm var. Həm də yəqin ki, məşqçilər daha gənc futbolçulara üstünlük verməyə başlayıblar. Mənimsə 33 yaşım var və yığmada az oyun keçirməmişəm. Amma mümkündü ki, başqa səbəblər də var. Legioner amilinə gəlincə, türklər yenə də yığmaya dəvət olunurlar.
- Ötən mövsüm mənim zədəm var. Həm də yəqin ki, məşqçilər daha gənc futbolçulara üstünlük verməyə başlayıblar. Mənimsə 33 yaşım var və yığmada az oyun keçirməmişəm. Amma mümkündü ki, başqa səbəblər də var. Legioner amilinə gəlincə, türklər yenə də yığmaya dəvət olunurlar.
- Hər halda onların damarlarında azərbaycanlı qanı axır...
- Onda bilmirəm. Düzünü deyim ki, yığmaya niyə dəvət olunmamağım barədə ciddi düşünməmişəm. Berti Foqtsa zəng edib deyə də bilmərəm ki, niyə mənə dəvət göndərmirsiz? Onunla işlədiyim müddət ərzində Foqtsun öz işini çox yaxşı bildiyini öyrəndim. O, nəyi necə etmək lazım olduğunu gözəl dərk edir. Mən isə “Sumqayıt”la daha uğurlu çıxış etmək haqda düşünürəm. Azarkeşlərimizi daha çox sevindirmək istəyirəm. Çünki komandamızın oyunlarına paytaxt klublarının matçlarından çox azarkeş gəlir.
