21 avqust 2013 13:58
Cavadov və Ponomaryov Atletico – Barcelona matçında
Azərbaycan futbolunun veteranları – İsgəndər Cavadovla İqor Ponomaryov İspaniyaya yollanıblar. Azerisport.az xəbər verir ki, onların bu səfərdə məqsədi İspaniya Super Kuboku uğrunda keçiriləcək “Atletico” (Madrid) və “Barcelona” klubları arasındakı oyunu canlı izləməkdi.
Qeyd edək ki, sözügedən oyun bu gecə baş tutacaq. Qarşılaşma Bakı vaxtı ilə saat 02:00-da start götürəcək.
Maraq üçün xatırladaq ki, Cavadovla Ponomaryov ötən həftə Fransa 2-ci Liqasının “Lens” – “Auxerre” matçını da canlı izləmişdi. Həm “Lens”, həm də “Atletico” “Bakı” ilə əməkdaşlıq edir və üzərində “Azerbaijan. Land of Fire” şüarlı formalarla çıxış edir. “Bakı”nın prezidenti Hafiz Məmmədov həm də “Lens” klubunun səhmlərinin böyük hissəsinə sahiblik edir.
