21 avqust 2013 15:23
Vüqar Nadirov: Eintrachta vurduğum qolu xatırlamıram
Avropa Liqasının pley-off mərhələsinin Almaniya “Eintracht”ı ilə qarşılaşma “Qarabağ”ın bəzi futbolçuları üçün bu komandaya qarşı oynayacağı ilk oyun olmayacaq. Azerisport.az xəbər verir ki, söhbət komandamızın qapıçısı Fərhad Vəliyevlə hücumçu Vüqar Nadirovdan gedir.
Belə ki, 2009-cu ildə Azərbaycanın futbol üzrə milli komandası “Eintracht” klubu ilə qarşılaşmışdı. Frankfurt şəhərində keçirilən təlim-məşq toplanışı çərçivəsində baş tutan bu matç Bundesliqa təmsilçisinin minimal hesablı qələbəsi ilə nəticələnmişdi – 1:0. Görüş şəhərin əsas stadionu olan “Commersbank Arena”dan o qədər də uzaq olmayan süni örtüklü meydançaların birində keçirilmişdi. Həmin oyunun iştirakçılarından olan Vüqarla Fərhad indi bu komandadan qisas almaq şansına malikdi.
Nadirov saytımıza açıqlaamsında həmin oyunu xatırlamağa çalışıb: “Düzünü deyim ki, həmin oyunu demək olar ki, xatırlamıram. Onu bilirəm ki, oyun Frankfurtdakı stadionun ehtiyat meydançalarından birində keçirilirdi. Deyəsən, oyundakı yeganə qolu da türk futbolçu vurdu (Ümit Korkmaz – azerisport.az). Həmin oyunda almanların qapısına qol da vurmuşdum. Düzdü, həmin qolu xatırlamasam da, yadıma gəlir ki, nəyəsə görə hakimlər onu saymadılar”.
