22 avqust 2013 12:21
Tacikistan yığmasının üzvü Bakı klubunda! (FOTO)
Futbol üzrə Tacikistan yığmasının müdafiəçisi Sahib Savankulov karyerasını Azərbaycanda davam etdirəcək. Azerisport.az xəbər verir ki, bu barədə onun son klubu olan Tacikistan “İstiqlal”ının prezidenti Şahrux Saidov məlumat verib.
Onun sözlərinə görə, futbolçu bir müddət öncə onlardan sərbəst buraxılmasını xahiş edib. Buna səbəb isə Savankulovun “Rəvan”dan təklif alması olub. Nəticədə, klub rəhbərliyi futbolçunun legioner həyatı yaşamasına mane olmaq istəməyib:
“Biz Savankulovun qarşısını kəsmək istəmədik və onu “Rəvan”a buraxıdıq. Bu futbolçu Tacikistan çempionatı səviyyəsindən yüksəkdədi. Fikrimcə, Azərbaycan klubu onun üçün yeni stimul olacaq və futbolçumuzun daha da inkişaf etməsinə gətirib çıxaracaq. Nə qədər çox futbolçumuz xarici, daha güclü çempionatlarda top qovsalar, bir o qədər yaxşıdı. Çünki bundan qazanan yığma komandamız olacaq”.
“Biz Savankulovun qarşısını kəsmək istəmədik və onu “Rəvan”a buraxıdıq. Bu futbolçu Tacikistan çempionatı səviyyəsindən yüksəkdədi. Fikrimcə, Azərbaycan klubu onun üçün yeni stimul olacaq və futbolçumuzun daha da inkişaf etməsinə gətirib çıxaracaq. Nə qədər çox futbolçumuz xarici, daha güclü çempionatlarda top qovsalar, bir o qədər yaxşıdı. Çünki bundan qazanan yığma komandamız olacaq”.
Maraq üçün xatırladaq ki, Savankulov bir müddət əvvəl Azərbaycanın digər klubu AZAL-da baxışda olmuşdu. Amma onun səviyyəsi məşqçilər korpusunu qane etmədiyindən geri qaytarılmışdı.
