22 avqust 2013 16:57
Vidadi Rzayev: Qarabağın itiriləsi heç nəyi yoxdu
Azərbaycanın veteran futbolçusu Vidadi Rzayev “Qarabağ”ın Avropa Liqasının pley-off mərhələsində Almaniya “Eintracht”ı ilə oyunlardakı şanslarını dəyərləndirib. O, bu gün baş tutacaq ilk oyun öncəsi azerisport.az saytına müsahibəsində bunları söyləyib:
“Əgər “Qarabağ” Avroliqadakı uğurlu çıxışını davam etdirmək istəyirsə, o zaman rəqibindən çəkinməməlidi. Mənə elə gəlir ki, onlara sadəcə öz futbollarını sərgiləmək lazımdı. Azarkeşlər də komandamızı dəstəkləyəcəklər. “Qarabağ” lazım olan nəticəni qazanacaq gücdədi. Qol buraxmadan qalib gəlmək lazımdı. Düzdü, “Eintracht” “Gefle”dən də, ağdamlıların bu il yoluna çıxan digər rəqiblərdən də güclü komandadı. Amma biz bu komandaya da öz gücümüzü göstərməliyik. İtiriləsi heç nəyimiz yoxdu”.
