22 avqust 2013 17:14
Sercan Kaya: Azərbaycan millisindən dəvət almışam
Türkiyənin “Caykur Rizespor” klubunun futbolçusu Sercan Kaya Azərbaycan millisindən təklif alıb. Azerisport.az xəbər verir ki, bu bu barədə Türkiyə mətbuatına futbolçunun özü məlumat verib.
25 yaşlı yarımmüdafiəçi millimizə dəvət olunduğunu deyib: “Azərbaycan A milli komandasından mənə təklif gəldi. Bir neçə nəfər əlaqə saxlayıb “Azərbaycan millisində forma geyinərsən” dedi. Komandaya dəvət edildim. Bununla bağlı hələ cavab verməmişəm. Mənim üçün xeyirlisi nədisə, o olsun”.
Qeyd edək ki, Sercan Kaya 1988-ci ilin 15 martında İzmirdə dünyaya gəlib. Futbolun sirrlərini “Bucaspor”da öyrənən yarımmüdafiəçi 2007-2011-ci illərdə bu komandanın əsas heyətində çıxış edib (52 oyun, 7 qol). 2011-2013-cü illərdə “Trabzonspor”da 2 oyun keçirən Kaya ötən mövsümün ilk yarısında icarə əsasında “1461 Trabzon”da çıxış edib (18 oyun, 8 qol) və daha sonra “Caykur Rizespor”a transfer olunub (14 oyun, 3 qol).
Sercan 2008-ci ildə Türkiyənin U-20 yığmasında 2 oyun keçirib.
