22 avqust 2013 17:29
Yubiley qarşılaşması
Topaz Premyer Liqasının IV turunda “Qəbələ” çempionatın lideri “Qarabağ”la qarşılaşacaq. Ağdam təmsilçisi “qırmızı-qaralar”ın ən çox qarşılaşdığı komandalardan biridir. Yalnız “Bakı” ilə daha çox – 27 dəfə üz-üzə gələn Qəbələ təmsilçisi “Qarabağ”la artıq 24 dəfə görüşüb.
Yubiley – 25-ci duelədək komandalar 20 dəfə çempionat, 4 dəfə kubok çərçivəsində qarşılaşıb. Kubokdakı bütün oyunlar heç-heçə bitib və 4 oyunu özündə birləşdirən 2 duelin hər ikisində mərhələ keçən tərəf səfər qolu ilə müəyyənləşib. “Qəbələ” həm 2011/12, həm də 2012/13 mövsümündə mübarizəni dayandıran tərəf olub.
Ümumiyyətlə komandaların oyunlarının az qala yarısında bərabərlik qeydə alınıb. 24 matçdan 11-də tərəflər heç-heçə ilə kifayətlənib. Digər 13 qarşılaşmadan 8-də Ağdam, 5-də Qəbələ təmsilçisi qalib gəlib. Rəqiblər son 2 mövsümün hərəsində 6 dəfə üz-üzə gəliblər. Ötən mövsümün ilk duelində qalib gələn “Qəbələ” sonrakı 5 görüşdə qalib gələ bilməyib. “Qırmızı-qaralar” son 3 qarşılaşmada yaşadıqları qol həsrətini qırmağa çalışacaq.
Bu matçlarda 3 nəticə daha çox qeydə alınıb. 0:0, 1:1 və 2:1 hesablarının hərəsinə 5 dəfə təsadüf olunub.
13-cü dəfə rəqibini qəbul edəcək “Qəbələ” öz meydanında 3 qələbə qazanıb, 5 heç-heçə edib və 4 dəfə uduzub. Bu görüşlərdə meydan sahibləri 13, qonaqlar isə 15 dəfə fərqlənib.
Baş tutan bütün matçlarda ümumilikdə 48 qol vurulub. Bu isə orta məhsuldarlığın düz 2,00-a bərabər olması deməkdir. Toplardan 27-ni “Qarabağ”, 21-ni “Qəbələ” vurub. Maraqlıdır ki, hər 2 komandanın heyətində 15 futbolçu qol sevinci yaşayıb.
“Qəbələ” - “Qarabağ” qarşılaşmalarında qol vuran 29 oyunçu arasında ən məhsuldarı isə Kənan Kərimovdur. O bu duellərdə hər 2 komandanın heyətində fərqlənən yeganə futbolçudur. Elə bu üzdən də hər komandada 15 oyunçu fərqlənsə də, ümumi say 30 deyil, 29-dur. Kərimov 3 dəfə “Qəbələ”ni, 2 dəfə isə “Qarabağ”ı məyus edib.
Ümumilikdə 5 futbolçu 1 komandanın heyətində 3 qol vura bilib. “Qarabağ”ın heyətində 3 belə oyunçu var. Kənan Kərimovdan başqa Aslan Kərimov və Rauf Əliyev də “Qəbələ”yə 3 qol vurublar. Lakin bu 3 oyunçudan heç biri artıq “qırmızı-qaralar”a rəqib deyil. “Qəbələ”də isə əksinə, “Qarabağ”a 3 qol vuran hər 2 futbolçu hesabını artıra bilər. Bunlar Viktor Mendi ilə Dodo kimi tanınan Luis Paulo Hilariodur. “Qarabağ”ın 6, “Qəbələ”nin isə 2 futbolçusu rəqib qapısına 2 dəfə yol tapıb. Arxada qalan 24 dueldə cəmi 2 dubl qeydə alınıb. “Qəbələ”də İqor Melnik, “Qarabağ”da isə Reynaldo Silva bunu bacarıb.
2006/07. Premyer Liqa
20.08.2006. Gilan (Qəbələ) - Qarabağ (Ağdam) - 0:2
Kənan Kərimov, 29, Vasif Haqverdiyev, 88
2006/07. Premyer Liqa
22.02.2007. Qarabağ (Ağdam) - Gilan (Qəbələ) - 3:2
Vaqif Cavadov, 20, Kənan Kərimov, 24, Aslan Kərimov, 60 – Vasif Əliyev, 76, Samir Zərgərov, 81
2007/08. Premyer Liqa.
06.10.2007. Qəbələ - Qarabağ (Ağdam) - 1:2
Bokunqu Fiston, 61 - Aslan Kərimov, 13, Qoqa Bepaya, 52
2007/08. Premyer Liqa
13.04.2008. Qarabağ (Ağdam) - Qəbələ - 2:1
Kənan Kərimov, 8, Aslan Kərimov, 56 - Vladimir Taranu, 80
2008/09. Premyer Liqa
20.09.2008. Qəbələ - Qarabağ (Ağdam) - 1:2
Kənan Kərimov, 78 - Emin İmaməliyev, 31, Vaqif Cavadov, 85
2008/09. Premyer Liqa
15.03.2009. Qarabağ (Ağdam) - Qəbələ - 0:0
2009/10. Premyer Liqa
23.09.2009. Qarabağ (Ağdam) - Qəbələ - 0:0
2009/10. Premyer Liqa
06.12.2009. Qəbələ - Qarabağ (Ağdam) - 1:1
Tomaş Stolpa, 52 (p.) - Rəşad Sadiqov, 78
2009/10. Premyer Liqa
21.03.2010. Qəbələ - Qarabağ (Ağdam) - 3:1
Paulino Lopes Tavares, 49; İqor Melnik, 73; 84 - Georgi Adamiya, 43
2009/10. Premyer Liqa
24.04.2010. Qarabağ (Ağdam) - Qəbələ - 1:1
Rauf Əliyev, 10 - Kənan Kərimov, 18 (p.)
2010/11. Premyer Liqa
25.09.2010. Qəbələ - Qarabağ (Ağdam) - 2:1
Deon Barton, 57; Branimir Subaşiç, 72 - Emin İmaməliyev, 83
2010/11. Premyer Liqa
13.02.2011. Qarabağ (Ağdam) - Qəbələ - 3:0
Rauf Əliyev, 15; Georgi Adamiya, 63; Əfran İsmayılov, 75
2011/12. Premyer Liqa
27.08.2011. Qarabağ (Ağdam) - Qəbələ - 0:1
Viktor Mendi, 37
2011/12. Premyer Liqa
21.12.2011. Qəbələ - Qarabağ (Ağdam) - 0:0
2011/12. Azərbaycan kuboku
14.03.2012. Qəbələ - Qarabağ (Ağdam) - 2:2
Viktor Mendi, 41; Luiz Paulo Hilario, 65 - Rauf Əliyev, 46; Muarem Muarem, 90
2011/12. Premyer Liqa
18.03.2012. Qarabağ (Ağdam) - Qəbələ - 1:1
İlqar Qurbanov, 90+1 - Viktor Mendi, 16
2011/12. Azərbaycan kuboku
28.03.2012. Qarabağ (Ağdam) - Qəbələ - 0:0
2011/12. Premyer Liqa
14.04.2012. Qəbələ - Qarabağ (Ağdam) - 1:0
Yannik Kamanan, 70
2012/13. Premyer Liqa
31.10.2012. Qarabağ (Ağdam) - Qəbələ - 1:2
Muarem Muarem, 59 - Rəşad Abdullayev, 32; Luis Paulo Hilario, 34
2012/13. Premyer Liqa
10.02.2013. Qəbələ - Qarabağ (Ağdam) - 1:1
Luka Zinko, 41 - Riçard Almeyda, 55 (p.)
2012/13. Azərbaycan kuboku
27.02.2013. Qəbələ - Qarabağ (Ağdam) - 1:1
Luis Paulo Hilario, 33 - Vüqar Nadirov, 56
2012/13. Azərbaycan kuboku
07.03.2013. Qarabağ (Ağdam) - Qəbələ - 0:0
2012/13. Premyer Liqa
30.03.2013. Qarabağ (Ağdam) - Qəbələ - 1:0
Riçard Almeyda, 39
2012/13. Premyer Liqa
28.04.2013. Qəbələ - Qarabağ (Ağdam) - 0:2
Reynaldo Silva, 69; 77
