23 avqust 2013 13:36
28-ci Böyük oyun!
Həftəsonu baş tutacaq oyun “Xəzər Lənkəran”la “Neftçi” arasında 28-ci matç olacaq. Azerisport.az xəbər verir ki, “Böyük oyun” adı ilə tanınan prinsipial duelin iştirakçıları indiyədək 27 dəfə üz-üzə gəlib.
Əvvəlki görüşlərdən 25-i çempionat, 2-si kubok yarışlarına təsadüf edib. İndiyədək komandalar 11 dəfə meydandan heç-heçə ilə ayrılıb. Bunların 10-u çempionat, 1-i kubokda qeydə alınıb.
Qələbələrin sayına gəlincə isə burda bərabərlik hökm sürür. “Neftçi” çempionatda, “Xəzər Lənkəran” kubokda minimal üstünlüyə malikdir. Bütün qələbələrini çempionatda əldə edən bakılılar 8 dəfə 3 xala sevinib. 1 qələbəsi kuboka təsadüf edən “Xəzər Lənkəran” 7 dəfə çempionat oyununda sevinən tərəf olub. Top fərqində də hələlik “Neftçi” öndədir – 28:25.
Ümumi balansda bərabərliyə baxmayaraq, Lənkərandakı oyunlarda qonaqlar zəif olub. Baş tutan 13 görüşdə 6 dəfə meydan sahibləri qalib gəlib və 5 dəfə heç-heçə alınıb. Paytaxt klubu yalnız iki dəfə Lənkəranda qələbə qazanıb, son belə qalibiyyət isə 2007-ci ilə təsadüf edir. Lənkərandakı oyunlarda top fərqi isə 12:7-dir. Öz meydanındakı son 3 matçda qalib gələn “Xəzər Lənkəran” artıq 9 matçdı evdə “Neftçi”yə uduzmur.
“Böyük oyun”larda vurulan 53 qola 36 futbolçu imza atıb. “Xəzər Lənkəran”ın 19, “Neftçi”nin 17 oyunçusu bu qarşılaşmalarda fərqlənib. “Neftçi”də oynadığı vaxt Ruslan Abışov “Böyük oyun”lardakı yeganə avtoqola üzülüb. Bu görüşlərin ən məhsuldar oyunçusu Flavinyodu. Onun hesabında 6 qol var. “Neftçi”nin digər üzvü Zaur Tağızadə isə 4 dəfə fərqlənib. “Xəzər Lənkəran”ın ən məhsuldar üzvü isə Julius Vobaydı – 3 qol. Uinston Parks, Rəşad Abdullayev, Zaur Ramazanov “Xəzər Lənkəran”ın, Nikolas Kanales, Bahodir Nasimov və Svetoslav Stefanov isə “Neftçi”nin heyətində 2 qol vurublar.
“Xəzər Lənkəran” – “Neftçi”: Bütün oyunlar
Azərbaycan çempionatı
2004/05 mövsümü
08.12.2004. “Xəzər Lənkəran” – “Neftçi” – 1:1
Oktay Dərəlioğlu – Emin Quliyev
11.05.2005. “Neftçi” – “Xəzər Lənkəran” – 2:1
Zaur Tağızadə (2) – İlqar Qurbanov
“Qızıl oyun”
10.06.2005 “Neftçi” – “Xəzər Lənkəran” – 2:1
Ruslan Abbasov, Zaur Tağızadə - Alim Qurbanov
2005/06 mövsümü
18.12.2005. “Xəzər Lənkəran” – “Neftçi” – 0:1
Nadir Nəbiyev
30.05.2006. “Neftçi” – “Xəzər Lənkəran” – 2:2
Branimir Subaşiç, Svetoslav Stefanov – Mahmud Qurbanov, Xaqani Məmmədov
2006/07 mövsümü
11.08.2006. “Xəzər Lənkəran” – “Neftçi” – 2:1
Zaur Ramazanov (2) – Svetoslav Stefanov
16.02.2007. “Neftçi” – “Xəzər Lənkəran” – 1:0
Vadim Borets
2007/08 mövsümü
10.11.2007. “Xəzər Lənkəran” – “Neftçi” – 0:1
Georgi Adamiya
11.05.2008. “Neftçi” – “Xəzər Lənkəran” – 0:1
Rəşad Abdullayev
2008/09 mövsümü
19.10.2008. “Xəzər Lənkəran” – “Neftçi” – 2:0
İvan Svetkov, Rəşad Abdullayev
12.04.2009. “Neftçi” – “Xəzər Lənkəran” – 2:1
Zaur Tağızadə, Əli Cansun – Əhməd Dursun
2009/10 mövsümü
İlkin mərhələ
08.11.2009. “Xəzər Lənkəran” – “Neftçi” – 0:0
17.02.2010. “Neftçi” – “Xəzər Lənkəran” – 0:0
Final mərhələsi
27.03.2010. “Xəzər Lənkəran” – “Neftçi” – 0:0
01.05.2010. “Neftçi” – “Xəzər Lənkəran” – 0:0
2010/11 mövsümü
İlkin mərhələ
25.09.2010. “Xəzər Lənkəran” – “Neftçi” – 1:0
Dieqo Ruiz
13.02.2011. “Neftçi” – “Xəzər Lənkəran” – 0:0
Azərbaycan kuboku, 1/4 final
03.03.2011. “Neftçi” – “Xəzər Lənkəran” – 3:4
Flavio Aleks Valensio (2), Slavko Georgiyevski - Uinston Parks, Manuel Skarlatake, Julius Vobay, Andrei Mureşan
08.03.2011. “Xəzər Lənkəran” – “Neftçi” – 1:1
Uinston Parks - Flavio Aleks Valensio
Azərbaycan çempionatı
Final mərhələsi
18.03.2011. “Xəzər Lənkəran” – “Neftçi” – 1:1
Julius Vobay - Rodriqo Sezar Kastro
18.05.2011. “Neftçi” – “Xəzər Lənkəran” – 1:1
Cavid İmamverdiyev - Julius Vobay
2011/12 mövsümü
İlkin mərhələ
10.09.2010. “Xəzər Lənkəran” – “Neftçi” – 1:0
Ruslan Abışov - öz qapısına
06.11.2011. “Neftçi” – “Xəzər Lənkəran” – 5:0
Flavio Aleks Valensio (2), Bahodir Nasimov (2), Fərid Quliyev
Final mərhələsi
24.03.2012. “Neftçi” – “Xəzər Lənkəran” – 1:1
Ruslan Abışov - Rahid Əmirquliyev
22.04.2012. “Xəzər Lənkəran” – “Neftçi” – 1:0
Rikardo Qomeş
2012/13 mövsümü
İlkin mərhələ
15.09.2012. “Neftçi” – “Xəzər Lənkəran” – 2:1
Nikolas Kanales, Flavio Aleks Valensio - Sadio Tounkara
14.12.2012. “Xəzər Lənkəran” – “Neftçi” – 2:1
Dmitrios Sialmas, Adrian Pit - Nikolas Kanales
