25 avqust 2013 22:47
Con Toşak: Neftçinin bir xal qazanması onlar üçün uğur sayılmalıdı
“Xəzər Lənkəran”ın baş məşqçisi Con Toşak Topaz Premyer Liqasının 4-cü turunun “Neftçi” ilə oyununu şərh edib. Azerisport.az xəbər verir ki, Lənkəran təmsilçisinin uelsli çalışdırıcısı ?:? hesabıyla başa çatan görüşdən sonra bunları dilə gətirib:
“Yaxşı oyun oldu. Komandam meydanda döyüşdü. Qələbəyə layiq oyun göstərdik. “Neftçi” güclü komandadır, ötən mövsüm həm ölkə çempionu oldular, həm də kuboku qazandılar. Qol vura bilməsək də, qapımızdan da qol buraxmadıq. Hələ ki, vaxtımız var, oyunumuz üzərində işləmək lazımdı. Fikrimcə, komandam daha çox qol vəziyyəti yaratdı. Hələ ki, bizim bəxtimiz gətirmir. Bu, “Simurq”la ötən ev oyununda da belə olmuşdu.
Bizim hələ yeni oyunçularımız da olacaq. Onlar komandanı gücləndirəcəklər. Amma buna qədər də “Xəzər Lənkəran” üç xaldan daha çox toplamalıydı. Biz zəif oynayanda mən həmişə bunu etiraf edirəm. Amma biz son iki oyunda ən azı bir qələbə qazanmağa layiq idik. Franko Nildonun üç qol epizodu oldu. Elə hücumçular var ki, rəqib qapısı qarşısında ümumiyyətlə qol vəziyyətləri yarada bilmirlər. Amma fikrimcə, o, öz oyununu tapacaq. Fikrimcə, “Neftçi” də razılaşmalıdı ki, bu gün bəxt onların tərəfində idi. Onların Lənkərandan bir xalla qayıtması rəqib komanda üçün uğurdu. Biz bundan sonra daha yaxşı oynamalıyıq. Hakimlər də məni məyus etdilər. Hakim epizodların birində Bertuççini meydandan qovmalıydı”.
